మంత్రి సీతక్క – బండి సంజయ్ వ్యాఖ్యలపై తీవ్ర స్థాయిలో స్పందన!
కేంద్రమంత్రి బండి సంజయ్ చేసిన వివాదాస్పద వ్యాఖ్యలపై తెలంగాణ మంత్రి సీతక్క తీవ్రంగా స్పందించారు. బీజేపీ టీం ఇండియా, కాంగ్రెస్ పాకిస్తాన్ అన్న వ్యాఖ్యలు అనాగరికంగా, మత విద్వేషాలను రెచ్చగొట్టేలా ఉన్నాయని ఆమె మండిపడ్డారు. బీజేపీ అభివృద్ధిపై మాట్లాడే స్థాయిలో లేదని, అందుకే మత రాజకీయాలు చేయడం వారి ప్రధాన ఎజెండాగా మారిందని విమర్శించారు.
“బీజేపీ మత రాజకీయాలతో యువతను మోసం చేస్తోంది”
నిరుద్యోగ సమస్య, యువత భవిష్యత్తుపై బీజేపీ సరైన చర్యలు తీసుకోలేకపోయిందని సీతక్క ఆరోపించారు. సంవత్సరానికి రెండు కోట్ల ఉద్యోగాల మాట చెప్పిన బీజేపీ, ఒక్క జిల్లాకు కూడా 200 ఉద్యోగాలు ఇవ్వలేకపోయిందని ధ్వజమెత్తారు. “నిరుద్యోగ యువతకు సమాధానం చెప్పలేని బీజేపీ, మత రాజకీయాలతో ప్రజలను మోసం చేయాలని చూస్తోంది” అని విమర్శించారు.
“బండి సంజయ్‌కు ప్రజల ముందు సమాధానం చెప్పే ధైర్యం ఉందా?”
తెలంగాణ విభజన హామీలు అమలు చేయకుండా, అభివృద్ధి కార్యక్రమాలను విస్మరించిన బీజేపీ, ఎన్నికల సమయంలో మాత్రం మత విద్వేషాలను రెచ్చగొట్టే ప్రయత్నం చేస్తోందని సీతక్క మండిపడ్డారు. “తెలంగాణ ప్రజలకు ఉద్యోగాలు, ఉపాధి కల్పించని బీజేపీకి, ఈ రాష్ట్రంలో ఓటు అడిగే నైతిక హక్కు ఉందా?” అంటూ ప్రశ్నించారు.
“దేశ గౌరవాన్ని కించపరచవద్దు”
దేశాన్ని పాకిస్తాన్‌తో పోల్చడం ద్వారా బండి సంజయ్ భారత గౌరవాన్ని తగ్గిస్తున్నారని మంత్రి సీతక్క ఆరోపించారు. “భారతదేశాన్ని అభివృద్ధి చెందిన దేశాలతో పోల్చండి, పాకిస్తాన్‌తో కాదు” అంటూ హితవుపలికారు. ప్రజలు మత రాజకీయాలకు according BJPకి గట్టి సమాధానం చెప్పాలని, అభివృద్ధి కోసం ఓటు వేయాలని ఆమె పిలుపునిచ్చారు.
One thought on “బండి సంజయ్ వ్యాఖ్యలపై మంత్రి సీతక్క మాస్ వార్నింగ్!”
Comments are closed.