ప్రముఖ యూట్యూబర్ జ్యోతి మల్హోత్రా పాకిస్థాన్ నిఘా సంస్థలకు దేశ రహస్యాలను చేకూర్చారన్న ఆరోపణలతో అరెస్టయ్యారు. ఈ పరిణామం కేరళలో పెద్ద ఎత్తున రాజకీయ దుమారం రేపుతోంది. గతంలో జ్యోతి మల్హోత్రా కేరళ పర్యాటక శాఖ ప్రచార కార్యక్రమంలో పాల్గొనగా, అధికార–ప్రతిపక్షాల మధ్య మాటల యుద్ధం చెలరేగింది. ఈ వ్యవహారంపై బీజేపీ నాయకులు స్పందిస్తూ, “పాకిస్థాన్ సంబంధాలు ఉన్న వ్యక్తికి రెడ్ కార్పెట్ ఎందుకు పరిచారు? ఆమె ఎవరి ఆహ్వానంతో వచ్చారు? ఎవరెవరిని కలిశారు?” అంటూ ప్రభుత్వాన్ని ప్రశ్నించారు. ఈ నేపథ్యంలో కేరళ పర్యాటక మంత్రి పీఏ మహమ్మద్ రియాస్ స్పందిస్తూ, ప్రభుత్వానికి జ్యోతి మల్హోత్రా ఎంపికలో ప్రత్యక్ష ప్రమేయం లేదని చెప్పారు. దేశవ్యాప్తంగా పలు ఇన్ఫ్లూయెన్సర్లను ఆహ్వానించిన ప్రచార ఏజెన్సీ ద్వారానే ఆమె పాల్గొన్నట్లు వివరించారు. అంతేకాదు, ఆమెపై వచ్చిన ఆరోపణలు ఈ ప్రచార కార్యక్రమం జరిగిన తర్వాత వెలుగులోకి వచ్చాయని ఆయన స్పష్టం చేశారు.
జ్యోతి మల్హోత్రా “ట్రావెల్ విత్ జో” అనే పేరుతో యూట్యూబ్ ఛానల్ నడుపుతూ విఖ్యాతి పొందారు. 2023లో పాకిస్థాన్ పర్యటన సమయంలో ఆమె అక్కడి నిఘా సంస్థల అధికారులతో సంబంధాలు ఏర్పరచుకున్నట్లు అధికారులు అనుమానిస్తున్నారు. ‘ఆపరేషన్ సిందూర్’ సమయంలోనూ ఆమె పాక్ అధికారులతో టచ్లో ఉన్నారని తెలుస్తోంది. పూర్తి అవగాహనతోనే ఆమె ఈ పనులకు పాల్పడ్డారని అనుమానంతో అరెస్టు చేసి విచారణ చేస్తున్నారు.
ఈ ఘటన కేరళ రాజకీయ వర్గాల్లో తీవ్ర చర్చకు దారితీసింది.
Read More : ఎయిర్ ఇండియా 171 ప్రమాదంపై : ప్రాథమిక నివేదిక సమర్పణ
One thought on “Jyoti Malhotra : యూట్యూబర్ అరెస్ట్తో కేరళలో రాజకీయ కలకలం”
Comments are closed.