ఢిల్లీలోని కర్ణాటక భవన్లో ముఖ్యమంత్రి సిద్ధరామయ్య మరియు డిప్యూటీ సీఎం డీకే శివకుమార్ వర్గాలకు చెందిన అధికారుల మధ్య ఉద్రిక్త వాతావరణం నెలకొంది. ఈ ఘర్షణ బూట్లతో దాడి వరకు వెళ్లడంతో పెద్ద కలకలం రేపింది.
డిప్యూటీ సీఎం డీకే శివకుమార్ పేషీలో పనిచేస్తున్న ప్రత్యేక అధికారి హెచ్. ఆంజనేయ, సీఎం సిద్ధరామయ్య పేషీలోని ప్రత్యేక అధికారి మరియు అసిస్టెంట్ రెసిడెంట్ కమిషనర్ సి. మోహన్ కుమార్పై తీవ్ర ఆరోపణలు చేశారు. తనపై మోహన్ కుమార్ బూటుతో దాడి చేశారని ఆంజనేయ అధికారికంగా ఫిర్యాదు చేశారు.
ఈ ఘటనపై రెసిడెంట్ కమిషనర్ జమీర్ స్పందిస్తూ, కర్ణాటక భవన్లో జరిగిన ఘర్షణపై తమ దృష్టి సారించామని, దీనిపై సమగ్ర విచారణ జరుపుతామని తెలిపారు.
ఘటనతో సంబంధం ఉన్న అధికారులను వివరణ కోరుతూ ఉన్నతస్థాయి చర్చలు ప్రారంభమయ్యాయి. కర్ణాటక ప్రభుత్వ ప్రతినిధులు ఈ ఘటనపై త్వరలో నివేదిక ఇవ్వనున్నట్లు సమాచారం.
Read More : కారు బేలో పడిన మహిళను రక్షించిన మెరైన్ సిబ్బంది
One thought on “ఢిల్లీలోని కర్ణాటక భవన్లో ఘర్షణ”
Comments are closed.