‘మన్ కీ బాత్’లో యోగాంధ్ర ప్రస్తావనపై చంద్రబాబు హర్షం.

ప్రధానమంత్రి నరేంద్ర మోదీ తన ప్రసిద్ధ ‘మన్ కీ బాత్’ కార్యక్రమంలో ఆంధ్రప్రదేశ్‌ ప్రభుత్వం చేపట్టిన ‘యోగాంధ్ర–2025’ కార్యక్రమాన్ని ప్రస్తావించిన విషయం రాష్ట్రాన్ని గర్వపరిచింది. దీనిపై ముఖ్యమంత్రి నారా చంద్రబాబు నాయుడు హర్షం వ్యక్తం చేశారు. ప్రధాని మోదీకి సోషల్ మీడియా వేదికగా ధన్యవాదాలు తెలిపారు.

ఆంధ్రప్రదేశ్ ప్రజలంతా ఈ లక్ష్యాన్ని చేరుకోవడానికి ఐక్యంగా కృషి చేస్తున్నారని సీఎం చంద్రబాబు గుర్తు చేశారు. యోగా సాధన ద్వారా ఆరోగ్యవంతమైన సమాజం వైపు దూసుకెళ్లడమే తమ లక్ష్యమని పేర్కొన్నారు.

‘యోగాంధ్ర-2025’ లక్ష్యాన్ని సాధించేందుకు రాష్ట్రవ్యాప్తంగా యోగా శిబిరాలు పెద్ద ఎత్తున నిర్వహిస్తున్నట్లు తెలిపారు. జూన్ 21వ తేదీ వరకూ, అంతర్జాతీయ యోగా దినోత్సవం వరకు, వంద పర్యాటక ప్రదేశాలతో పాటు రాష్ట్రంలోని అనేక ప్రాంతాల్లో యోగా శిక్షణ తరగతులు నిర్వహించబడుతున్నాయని వివరించారు. యోగాను ప్రతి ఒక్కరి జీవనశైలిలో భాగంగా మార్చడమే తమ ప్రభుత్వ ధ్యేయమని స్పష్టం చేశారు.

జూన్ 21న విశాఖపట్నంలో జరగనున్న అంతర్జాతీయ యోగా దినోత్సవ వేడుకలకు ప్రధాని నరేంద్ర మోదీని ఆహ్వానిస్తున్నట్లు తెలిపారు. ఈ మేరకు ‘ఎక్స్’ (ట్విట్టర్) వేదికగా పోస్టు చేసి, ఈ వేడుకను విశిష్టంగా నిర్వహించేందుకు ప్రభుత్వం సిద్ధంగా ఉందన్నారు. విశాఖలో ప్రధానికి ఘన స్వాగతం పలికేందుకు ఎదురుచూస్తున్నామని పేర్కొన్నారు.

Read More : కడప ఘటనపై హోం మంత్రి మౌనం దారుణం: వరుడు కల్యాణి ఆవేదన.