ప్రముఖ మలయాళ నటుడు షైన్ టామ్ చాకో కుటుంబాన్ని విషాదం ముంచెత్తింది. తమిళనాడులో జరిగిన ఘోర రోడ్డు ప్రమాదంలో ఆయన తండ్రి సి.పి. చాకో దుర్మరణం చెందారు. ఈ ఘటనలో షైన్ టామ్ చాకో మరియు ఆయన తల్లి గాయాలపాలయ్యారు. ప్రస్తుతం వారు ఆసుపత్రిలో చికిత్స పొందుతున్నారు.
వివరాల్లోకి వెళితే… శుక్రవారం తెల్లవారుజామున షైన్ టామ్ చాకో కుటుంబ సభ్యులతో కలిసి కారులో ప్రయాణిస్తుండగా ఈ ప్రమాదం చోటుచేసుకుంది. ఆయన తల్లిదండ్రులు, సోదరుడు మరియు డ్రైవర్తో కలిసి ప్రయాణిస్తున్న కారు తమిళనాడులోని ధర్మపురి సమీపంలోని సేలం-బెంగళూరు జాతీయ రహదారిపై అదుపు తప్పి ముందు వెళ్తున్న లారీని వెనుక నుంచి ఢీకొట్టింది.
ఈ ప్రమాదం తీవ్రతరం కావడంతో కారులోని ఐదుగురిని స్థానిక ఆసుపత్రికి తరలించారు. అయితే తీవ్ర గాయాల కారణంగా ఆయన తండ్రి సి.పి. చాకో చికిత్స పొందుతూ మృతి చెందినట్లు వైద్యులు వెల్లడించారు. మిగతా వారు ప్రస్తుతం చికిత్స పొందుతున్నారు.
ఈ ఘటనపై స్థానిక పోలీసులు కేసు నమోదు చేసి దర్యాప్తు ప్రారంభించారు. ప్రమాదానికి గల కారణాలపై పరిశోధనలు జరుగుతున్నాయి. మరోవైపు షైన్ టామ్ చాకో కుటుంబాన్ని తాము ప్రార్థనల్లో ఉంచుకుంటామని మలయాళ సినీ ప్రముఖులు, అభిమానులు, స్నేహితులు సోషల్ మీడియాలో స్పందిస్తున్నారు. కుటుంబ సభ్యుల ఆరోగ్య పరిస్థితిపై అధికారిక సమాచారం వెలువడాల్సి ఉంది.
Read More : థగ్ లైఫ్ మూవీ సమీక్ష
One thought on “రోడ్డు ప్రమాదంలో మలయాళ నటుడు షైన్ టామ్ చాకో తండ్రి మృతి”
Comments are closed.