టాలీవుడ్ మాస్ మహారాజా రవితేజ రిజల్ట్తో సంబంధం లేకుండా వరుస సినిమాలు చేస్తూ బిజీగా ఉన్నారు. ఇటీవల “ఈగల్”, “మిస్టర్ బచ్చన్” సినిమాలతో ప్రేక్షకులను అలరించిన ఆయన, ప్రస్తుతం “మాస్ జాతర”తో థియేటర్లలో సందడి చేయడానికి సిద్ధమవుతున్నారు.
ఈ సినిమా తరువాత, రవితేజ తన డైరెక్టర్ కళ్యాణ్ శంకర్తో మరో ప్రాజెక్ట్ను లైన్లో పెట్టారు. ఇటీవల నిర్మాత నాగవంశీ ఈ చిత్రంపై క్రేజీ అప్డేట్ ఇచ్చారు. సూపర్ హీరో జానర్లో పూర్తిగా ఫిక్షనల్ స్టోరీగా ఈ సినిమా రూపొందుతుందని, హీరోకు మంచి బ్యాక్ స్టోరీ ఉంటుందని తెలిపారు.
డైరెక్టర్ కళ్యాణ్ శంకర్ ఈ ప్రాజెక్ట్ గురించి మరిన్ని వివరాలు వెల్లడించారు. “ఆరు ఏడేళ్ల క్రితం ఈ కథను రాశాను. తర్వాత దాన్ని అభివృద్ధి చేసి, ఇప్పుడు రవితేజ గారి కోసం పూర్తి చేయడం జరిగింది. ‘మ్యాడ్ స్క్వేర్’ వైబ్ కంటే మించిన ఎంటర్టైనర్ ఇది. ఫుల్ కామెడీతో పాటు, భారీ ఎంటర్టైన్మెంట్ పాయింట్ ఉంటుంది” అని అన్నారు.
ఈ సినిమా ప్రీ-ప్రొడక్షన్ పనులు ప్రస్తుతం జరుగుతున్నాయి. షూటింగ్ ఆగస్టు లేదా సెప్టెంబర్లో ప్రారంభమవుతుందని కళ్యాణ్ శంకర్ చెప్పారు. రవితేజ కథ విని చాలా ఉత్సాహంగా ఉన్నారని, ఆయన ఎనర్జీతో టీమ్ మొత్తం ప్రేరణ పొందుతుందని చెప్పారు.
కళ్యాణ్ శంకర్ కామెంట్స్ ఇప్పుడు సోషల్ మీడియాలో వైరల్ అవుతున్నాయి. ఈ ప్రాజెక్ట్పై ప్రేక్షకుల్లో భారీ అంచనాలు నెలకొన్నాయి. రవితేజ నటన, కళ్యాణ్ శంకర్ దర్శకత్వం కలిసిన ఈ సినిమా ఎంతటి విజయం సాధిస్తుందో చూడాలి!
One thought on “మాస్ హీరో రవితేజతో కళ్యాణ్ శంకర్ కొత్త సినిమా – మ్యాడ్ స్క్వేర్ను మించిన ఎంటర్టైనర్”
Comments are closed.