పాకిస్థాన్ ప్రధానమంత్రి షెహబాజ్ షరీఫ్, ఏప్రిల్ 22న జరిగిన పహల్గామ్ దాడిని సాకుగా చూపి, భారత్ తమ దేశంపై దాడికి పాల్పడిందని తీవ్ర ఆరోపణలు చేశారు. జాతినుద్దేశించి ప్రసంగించాలనుకున్న షరీఫ్, రెండు దేశాల మధ్య కాల్పుల విరమణ ఒప్పందాన్ని తమ ‘చారిత్రక విజయం’గా అభివర్ణించారు. భారత దురాక్రమణకు తమ సైన్యం సమర్థవంతంగా బదులిచ్చిందని ప్రశంసించారు.
భూమి, గాలి, సముద్ర మార్గాలలో సైనిక చర్యలు నిలిపివేయాలని భారత్, పాకిస్థాన్ అంగీకరించిన కొన్ని గంటలకే ఈ వ్యాఖ్యలు రావడం గమనార్హం. తన ప్రసంగంలో జాతీయవాద అంశాలు ప్రామినెంట్ల్య్ ప్రస్తావించిన ఆయన, “మా చర్య విద్వేషం, దురాక్రమణ, మత మూర్ఖత్వంపై జరిగింది. ఇది మా సూత్రాలకు, గౌరవానికి దక్కిన విజయం” అని పేర్కొన్నారు.
షరీఫ్, కాల్పుల విరమణ ఒప్పందం ఇస్లామాబాద్ చొరవతో సాధ్యమైందని, పాకిస్థాన్ సైనిక పరాక్రమంతోనే ఇది సాధ్యమైందని ప్రకటించారు. “శత్రువుకు అర్థమయ్యే భాషలో సమాధానం చెప్పాలని మేం నిర్ణయించుకున్నాం” అని ఆయన ప్రకటించారు. పాకిస్థాన్ “ఆత్మగౌరవం, నిజాయితీ కలిగిన దేశం” అని ఆయన పేర్కొన్నారు.
పాకిస్థాన్ సాయుధ బలగాలు భారత వైమానిక స్థావరాలు, ఆయుధాగారాలను ధ్వంసం చేశాయని షరీఫ్ ఘనంగా ప్రకటించారు. అయితే, ఈ ఆరోపణలను భారత అధికారులు కల్పితాలుగా కొట్టిపారేశారు.
షరీఫ్ ప్రసంగంలో పహల్గామ్ ఘటనను సాకుగా చూపి, భారత్ అన్యాయమైన యుద్ధం ప్రకటించిందని, పాకిస్థాన్ను బాధితురాలిగా చిత్రీకరించడానికి ప్రయత్నించారు. ఆయన చేసిన ఆరోపణలను భారత్ తప్పుడు ప్రచారంగా ఖండించింది.
వాస్తవానికి, క్షేత్రస్థాయి దృశ్యాలు భారత వైమానిక స్థావరాలు సురక్షితంగా ఉన్నాయని, మౌలిక సదుపాయాలకు ఎలాంటి నష్టం వాటిల్లలేదని చూపించాయి.
Read More : ట్రంప్కు ఖతార్ నుంచి విలాసవంతమైన బోయింగ్ జెట్ కానుక
One thought on “ప్రధానమంత్రి షెహబాజ్ షరీఫ్ భారతపై దాడి చేసినట్లు ఆరోపణ.”
Comments are closed.