హైదరాబాద్లోని బాలానగర్ పోలీస్ స్టేషన్ పరిధిలో మంగళవారం వేకువజామున ఓ ఘోర రోడ్డు ప్రమాదం చోటుచేసుకుంది. ఉషా ఫ్యాన్ కంపెనీ సమీపంలో ఒక్కసారిగా అదుపుతప్పిన కారు రోడ్డు మధ్యలో ఉన్న స్తంభాన్ని భారీగా ఢీకొట్టింది. ప్రమాద సమయంలో కారు అతివేగంగా వెళ్తున్నట్టు తెలుస్తోంది. ఈ సంఘటన ఉదయం 3 గంటల ప్రాంతంలో చోటుచేసుకుంది. కారులో నలుగురు వ్యక్తులు ప్రయాణిస్తున్న సమయంలో వేగం అదుపు తప్పడంతో ప్రమాదం సంభవించింది. ఈ ఘటనలో ముస్తాక్ (19) అనే యువకుడు అక్కడికక్కడే ప్రాణాలు కోల్పోగా, మరొకరికి తీవ్ర గాయాలు, ఇంకొకరికి స్వల్ప గాయాలు వచ్చాయి. మిగతా వ్యక్తిని పోలీసులు రక్షించి సమీప ఆసుపత్రికి తరలించారు.
సమాచారం అందుకున్న వెంటనే పోలీసులు సంఘటనా స్థలానికి చేరుకుని పరిశీలించారు. క్షతగాత్రులను చికిత్స నిమిత్తం ఆసుపత్రికి తరలించగా, మృతుడిని గుర్తించి కుటుంబ సభ్యులకు సమాచారం ఇచ్చారు. ఈ ప్రమాదానికి కారణమైన వేగం, నిర్లక్ష్య డ్రైవింగ్ కోణంలో దర్యాప్తు జరుపుతున్నట్టు పోలీసులు వెల్లడించారు.
Read More : పాశమైలారం పేలుడు: సీఎం సాయం
One thought on “హైదరాబాద్లో ఘోర రోడ్డు ప్రమాదం…”
Comments are closed.