ట్రాన్: లెగసీ నుంచి టాప్ గన్: మావెరిక్ వరకు, వేగం విషయంలో దర్శకుడు జోసెఫ్ కొసిన్స్కి బాగా తెలుసు. ఇప్పుడు, ఆయన తాజా చిత్రం ‘F1’లో హాలీవుడ్ స్టార్ బ్రాడ్ పిట్, డామ్సన్ ఇడ్రిస్ ఫార్ములా 1 ప్రపంచాన్ని అత్యధిక వేగంతో నడిపించబోతున్నారు. యాపిల్ ఓరిజినల్ ఫిల్మ్స్, వార్నర్ బ్రదర్స్ కలిసి నిర్మించిన ఈ బ్లాక్బస్టర్ ట్రైలర్ విడుదలై, రేసింగ్ అభిమానుల్లో ఆసక్తిని పెంచింది.
ఫార్ములా 1 వాస్తవ గ్రాండ్ ప్రిక్స్ లొకేషన్లలో తెరకెక్కిన ఈ చిత్రం, స్పీడ్, యాక్షన్, ఎమోషన్ను సమ్మిళితం చేస్తుంది. బ్రాడ్ పిట్ (సోని “ది బెస్ట్ దేర్ నెవర్ వాజ్” హేస్) మరియు డామ్సన్ ఇడ్రిస్ (జోషువా పియర్స్) మధ్య పోటీ నేపథ్యంలో ఈ కథ నడుస్తుంది. 180mph వేగంతో నిజమైన రేసింగ్ ట్రాక్స్పై చిత్రీకరించబడిన ఈ సినిమా, ఆస్కార్ గ్రహీత హాన్స్ జిమ్మర్ సంగీతంతో మరింత విశేషంగా నిలవనుంది.
1990లలో సోనీ హేస్ ఫార్ములా 1లో అత్యుత్తమ డ్రైవర్గా గుర్తింపు పొందాడు. కానీ ఓ రేస్లో జరిగిన ప్రమాదం అతని కెరీర్ను కుదిపేసింది. 30 ఏళ్ల తర్వాత, నోమాడిక్ రేసర్గా జీవనం కొనసాగిస్తున్న అతన్ని, అతని మాజీ సహచరుడు రూబెన్ సెర్వాంటెస్ (జావియర్ బార్డెమ్) తిరిగి ఫార్ములా 1కి రప్పించాలనుకుంటాడు. ఆ జట్టు సంక్షోభంలో ఉండటంతో, సోనీ మరోసారి ట్రాక్పైకి రావడానికి అంగీకరిస్తాడు. కానీ ఈసారి, గెలుపు మాత్రమే కాదు, తన గతంతో కూడిన పోరాటం కూడా అతనికి ఎదురవుతుంది.
ఈ చిత్రంలో కెరీ కాండన్, టోబైస్ మెంజీస్, కిమ్ బోడ్నియా, జావియర్ బార్డెమ్ వంటి ప్రముఖులు కీలక పాత్రల్లో నటిస్తున్నారు. ఫార్ములా 1 అనుమతితో, అత్యాధునిక కస్టమ్ కెమెరాలు మరియు తాజా షూటింగ్ టెక్నాలజీతో ఈ సినిమా తెరకెక్కింది.
25 జూన్, 2025న F1 థియేటర్లలో గ్రాండ్గా విడుదల కానుంది. స్పీడ్, యాక్షన్, ఎమోషన్ నిండిన ఈ చిత్రం రేసింగ్ ప్రేమికులను ఆకట్టుకోనుంది.
One thought on “జోసెఫ్ కొసిన్స్కి ‘F1’ – హై-ఆక్టేన్ రేసింగ్ థ్రిల్కు రెడీ అవ్వండి!”
Comments are closed.