తూర్పుగోదావరి జిల్లా అనపర్తి మండలం పిరా రామచంద్రపురం గ్రామంలో ఓ మహిళపై జరిగిన వేధింపుల ఘటన తీవ్ర సంచలనంగా మారింది. స్నానం చేస్తున్న సమయంలో రహస్యంగా వీడియోలు తీసి, ఆ తరువాత బ్లాక్మెయిల్ చేస్తూ లొంగదీసుకునేందుకు ప్రయత్నించిన ఘటనపై పోలీసులు కేసు నమోదు చేశారు.
రహస్య వీడియోలు తీసి బెదిరింపు
పోలీసుల కథనం ప్రకారం, గ్రామానికి చెందిన నల్లమిల్లి మణికంఠ రెడ్డి, కర్రీ రామకృష్ణారెడ్డి అనే ఇద్దరు వ్యక్తులు, ఓ మహిళ స్నానం చేస్తున్న సమయంలో వీడియోలు తీశారు. అనంతరం, ఆ వీడియోలను మహిళకు చూపించి ఆమెను బెదిరించడం ప్రారంభించారు. వాటిని బయట పెట్టకుండా ఉండాలంటే తమ కోరిక తీర్చాలని ఆమెను బలవంతపెట్టారు. వీడియోలు సోషల్ మీడియాలో పోస్టు చేస్తామంటూ మానసికంగా వేధించారు.
బాధితురాలి ఫిర్యాదుతో అసలు విషయం వెలుగులోకి
వేధింపులు తట్టుకోలేక బాధితురాలు ధైర్యం చేసి అనపర్తి పోలీస్స్టేషన్ను ఆశ్రయించింది. అశ్లీల వీడియోలతో బ్లాక్మెయిల్ చేస్తున్న ఇద్దరిపై కేసు నమోదు చేసిన పోలీసులు, దర్యాప్తు చేపట్టారు. నిందితులను పట్టుకునేందుకు గాలింపు చర్యలు చేపట్టారు.
సమాజంలో మహిళల భద్రతపై ఆందోళన
ఈ ఘటన తూర్పుగోదావరి జిల్లాలో తీవ్ర చర్చనీయాంశంగా మారింది. ఆడపిల్లలపై జరుగుతున్న ఈ విధమైన దురాగతాలు నానాటికీ పెరిగిపోతున్నాయి. పోలీసులు ఎన్ని చర్యలు తీసుకున్నప్పటికీ, కొన్ని గుంపులు రెచ్చిపోతూనే ఉన్నాయన్న వాదన వెలువడుతోంది. బాధితురాలు తన ప్రైవేట్ వీడియోలు డిలీట్ చేయాలని పోలీసులను కోరింది.
ఈ ఘటనకు సంబంధించి పోలీసులు త్వరలోనే నిందితులను అరెస్ట్ చేసి, కఠిన చర్యలు తీసుకుంటామని పేర్కొన్నారు.
Read More : మాజీ మంత్రి కొడాలి నాని ఛాతీ నొప్పితో ఆసుపత్రిలో చేరిక
2 thoughts on “తూర్పుగోదావరి జిల్లాలో మహిళకు బ్లాక్మెయిల్ వేధింపులు – ఇద్దరు వ్యక్తులపై కేసు నమోదు”
Comments are closed.