భద్రాచలం శ్రీ సీతారామచంద్రస్వామి దేవస్థానానికి చెందిన భూముల్లో అక్రమ నిర్మాణాలను అడ్డుకునేందుకు వెళ్లిన కార్యనిర్వహణాధికారి (ఈవో) రమాదేవిపై దాడి జరిగింది. పురుషోత్తపట్నం గ్రామంలో జరిగిన ఈ ఘటనతో స్థానికంగా ఉద్రిక్తత నెలకొంది. అయన ఆలయానికి చెందిన సుమారు 889.50 ఎకరాల భూమిపై కొంతకాలంగా అక్రమ నిర్మాణాలు కొనసాగుతున్న నేపథ్యంలో, వాటిని తొలగించేందుకు ఈవో రమాదేవి మంగళవారం ఆలయ సిబ్బందితో కలిసి అక్కడికి వెళ్లారు. నిర్మాణాలను అడ్డుకోవడంపై ఆక్రమణదారులు సన్నద్ధంగా ఎదురుదాడికి దిగారు. ఈ క్రమంలో తీవ్ర వాగ్వాదం చోటు చేసుకోగా, కొందరు గ్రామస్థులు రమాదేవిపై దాడికి పాల్పడ్డారు. దాడిలో ఆమె స్పృహ కోల్పోయి కుప్పకూలిపోయారు. వెంటనే ఆలయ సిబ్బంది స్పందించి, ఆమెను భద్రాచలం ఏరియా ఆసుపత్రికి తరలించి చికిత్స అందిస్తున్నారు. ప్రస్తుతం ఆమె పరిస్థితి స్థిరంగా ఉన్నట్లు వైద్యులు తెలిపారు.
ఈ ఘటన ఆలయ పరిధిలో తీవ్ర ఆందోళనకు దారి తీసింది. మహిళా అధికారిపై దాడి జరిగిన విషయాన్ని తీవ్రంగా ఖండిస్తూ పలువురు ప్రజాప్రతినిధులు, సంఘాలు స్పందిస్తున్నాయి. ఆలయ భూములను రక్షించేందుకు తీసుకుంటున్న చర్యలను కొందరు వ్యక్తులు అడ్డుకోవడం నిందనీయం అని వారి అభిప్రాయం.
ఇటీవలి కాలంలో కోర్టు ఉత్తర్వులను కూడా పట్టించుకోకుండా ఆలయ భూముల్లో అక్రమాలు కొనసాగుతుండటంపై ప్రభుత్వం చట్టపరమైన చర్యలు తీసుకోవాల్సిన అవసరం స్పష్టమవుతోంది.
Read More : ప్రాజెక్టు గేట్లు ఎత్తి నీటిని విడుదల చేసిన ముఖ్యమంత్రి
One thought on “ఆలయ భూముల్లో అక్రమాలపై తీసిన చర్యలపై ఘర్షణ”
Comments are closed.