పదో తరగతి విద్యార్థులకు సైకిళ్ల బహూకరణ

కరీంనగర్ బీజేపీ లోక్‌సభ సభ్యుడు, కేంద్ర మంత్రి బండి సంజయ్‌ కీలక నిర్ణయం తీసుకున్నారు. తన నియోజకవర్గ పరిధిలోని పదో తరగతి చదువుతున్న 20 వేల మంది విద్యార్థులకు ఉచిత సైకిళ్లను పంపిణీ చేయాలని నిర్ణయించారు. ఈ విషయాన్ని ఆయన స్వయంగా ఎక్స్ (పూర్వపు ట్విట్టర్) వేదికగా వెల్లడించారు. జులై 11న తన జన్మదినం నేపథ్యంలో, ముందుగా 8 లేదా 9వ తేదీన సైకిళ్ల పంపిణీ కార్యక్రమాన్ని ప్రారంభించనున్నట్లు తెలిపారు. ప్రధాని నరేంద్ర మోదీ తరఫున ఈ సైకిళ్లను కానుకగా అందించనున్నట్లు ఆయన పేర్కొన్నారు.

సైకిళ్ల పంపిణీ వివరాలను జిల్లా, మండల, గ్రామ స్థాయిలో ఆయన వివరించారు. ప్రతి మండలంలో 100 సైకిళ్లు, మున్సిపల్ డివిజన్లలో 50 సైకిళ్లు, గ్రామ పంచాయతీల్లో 10 నుంచి 25 వరకు సైకిళ్లను పంపిణీ చేస్తామన్నారు. ఒక్కో సైకిల్‌ ధర రూ.4,000 కాగా, ఇప్పటికే 5,000 సైకిళ్లు సిద్ధమయ్యాయని వెల్లడించారు. ఇవన్నీ ప్రధాని మోదీ చిత్రంతో కూడినవిగా ఉంటాయని తెలిపారు.

ఈ కార్యక్రమం విద్యార్థుల్లో ఆనందాన్ని రేకెత్తిస్తోంది. బండి సంజయ్‌ నిర్ణయం అభినందనీయమని పలువురు అభిప్రాయపడుతున్నారు.

Read More : కేసీఆర్‌తో బీఆర్ఎస్ నేతల ఇష్టాగోష్టి