భారత్–పాకిస్తాన్ మధ్య ఉద్రిక్తతల నేపథ్యంలో తాత్కాలికంగా మూసివేసిన 32 విమానాశ్రయాలు మళ్లీ ప్రారంభమయ్యాయి. సరిహద్దు పరిస్థితులు క్రమంగా సాధారణ స్థితికి చేరుకుంటుండటంతో, ఈ విమానాశ్రయాల్లో విమానయాన కార్యకలాపాలను పునరుద్ధరించేందుకు సంబంధిత అధికారులు నోటీస్ టు ఎయిర్మెన్ (నోటమ్) జారీ చేశారు.
ప్రత్యేకంగా అమృత్సర్ వంటి పాక్ సరిహద్దులకు దగ్గరగా ఉన్న విమానాశ్రయాలపై ఈ నిర్ణయ ప్రభావం స్పష్టంగా కనిపించింది. భారత వైమానిక దళ సూచనల మేరకు తీసుకున్న ముందుజాగ్రత్త చర్యల్లో భాగంగా ఈ విమానాశ్రయాలను మూసివేశారు. ఇప్పుడు పరిస్థితి నిలకడగా ఉందని అధికారులు అంచనా వేసి, మళ్లీ విమాన సర్వీసులు ప్రారంభించేందుకు అనుమతించారు.
ఈ పరిణామంతో విమాన ప్రయాణికులు, విమానయాన సంస్థలు ఊపిరి పీల్చుకున్నారు. నిలిచిపోయిన సర్వీసులు పునఃప్రారంభమవుతూ ఉండటంతో ప్రయాణాల్లో ఏర్పడిన అంతరాయం తొలిగింది. నోటమ్ ద్వారా పైలట్లు మరియు సాంకేతిక సిబ్బందికి అవసరమైన సమాచారం అధికారికంగా చేరింది. దీనితో విమాన రాకపోకలు మరింత సురక్షితంగా, సమర్థవంతంగా సాగనున్నాయి.
ప్రస్తుతం ఈ 32 విమానాశ్రయాలన్నీ యథావిధిగా పౌర విమాన సేవలు అందిస్తున్నాయి. భద్రతాపరంగా ఎలాంటి ఆటంకం లేకుండా సమగ్ర పర్యవేక్షణతో నిర్ణయం తీసుకున్నట్లు అధికారులు వెల్లడించారు.
Read More : బీఎస్ఎఫ్ సబ్ఇన్స్పెక్టర్కు అధికార లాంఛనాలతో వీర వీడిక..
One thought on “మళ్లీ ప్రారంభమైన విమాన సేవలు”
Comments are closed.