గత వైసీపీ ప్రభుత్వ హయాంలో ఆంధ్రప్రదేశ్లో భారీగా భూ కుంభకోణాలు జరిగాయని టీడీపీ ఎంపీ లావు శ్రీకృష్ణదేవరాయలు ఆరోపించారు. లోక్సభలో జీరో అవర్ సందర్భంగా ఆయన ఈ అంశాన్ని ప్రస్తావిస్తూ, అక్రమంగా భూములు కోల్పోయిన వారికి తిరిగి భూములు అందించేందుకు కేంద్ర ప్రభుత్వ జోక్యం అవసరమని సూచించారు.
భారీ నష్టం
జగన్ ప్రభుత్వ హయాంలో 40 వేల ఎకరాల అసైన్డ్ భూములను అక్రమంగా ఫ్రీహోల్డ్గా మార్చారని లావు శ్రీకృష్ణదేవరాయలు విమర్శించారు. దీని వల్ల ప్రభుత్వ ఖజానాకు రూ.14,831 కోట్ల నష్టం వాటిల్లిందని వెల్లడించారు.
కేంద్రానికి విజ్ఞప్తి
ఈ సందర్భంగా వైసీపీ పాలనలో కేంద్ర నిధుల దుర్వినియోగంపై నిష్పక్షపాతంగా విచారణ జరిపించాలని ఎంపీ లావు శ్రీకృష్ణ దేవరాయలు కేంద్రాన్ని కోరారు. అంతేగాక, ఏపీ ప్రభుత్వం సవరించిన కొత్త ల్యాండ్ రీ సర్వే, టైట్లింగ్ యాక్ట్కు అనుమతి ఇవ్వాలని కేంద్రాన్ని ఆయన కోరారు.
వివాదాస్పద వ్యయాలు
సరిహద్దు రాళ్లపై వైఎస్ జగన్ బొమ్మ వేయించడం ద్వారా రూ.700 కోట్ల ప్రజాధనం వృథా చేశారని లావు శ్రీకృష్ణదేవరాయలు మండిపడ్డారు. అలాగే నిషేధిత భూములను అక్రమంగా కేటాయించి, ఇళ్ల స్థలాల పట్టాల పథకం కింద రూ.3 వేల కోట్ల నిధులు దుర్వినియోగం చేసినట్లు ఆరోపించారు.
పట్టణ భూముల ఆక్రమణ
విశాఖ, తిరుపతి, చిత్తూరులో రూ.4,939 కోట్ల విలువైన పట్టణ భూములను నకిలీ పత్రాలతో ఆక్రమించారని లావు శ్రీకృష్ణదేవరాయలు ఆరోపించారు. ఏపీ ల్యాండ్ టైటిలింగ్ యాక్ట్ 2022లో మార్పులు చేస్తూ వైసీపీ నేతలకు భూములు కట్టబెట్టినట్లు ఆయన విమర్శించారు.
కూటమి ప్రభుత్వ చర్యలు
గత వైసీపీ ఐదేళ్ల పాలనలో చోటుచేసుకున్న అక్రమాలపై కూటమి ప్రభుత్వం ఇప్పటికే విచారణ ప్రారంభించిందని తెలిపారు. పలు అవినీతి, అక్రమాలపై ఇప్పటికే బహిరంగంగా వెల్లడి చేసినట్లు లావు శ్రీకృష్ణదేవరాయలు స్పష్టం చేశారు.
రాజధాని వివాదం
జగన్ పాలనలో మూడు రాజధానుల ప్రకటన చేసినప్పటికీ, అభివృద్ధి కోసం చేపట్టిన చర్యలు మాత్రం అమలు కాలేదని లావు శ్రీకృష్ణదేవరాయలు అన్నారు. ఉత్తరాంధ్రలో సైతం వైసీపీ నేతలు భారీగా భూములను ఆక్రమించుకున్నారని విమర్శించారు.
గత వైసీపీ ప్రభుత్వ హయాంలో జరిగిన భూ కుంభకోణాలను బట్టబయలు చేయాలని లోక్సభలో ఎంపీ లావు శ్రీకృష్ణదేవరాయలు కేంద్రాన్ని కోరారు.
One thought on “వైసీపీ హయాంలో భూ కుంభకోణం – ఎంపీ లావు శ్రీకృష్ణదేవరాయలు ఆరోపణ**”
Comments are closed.