కీలక నిర్ణయాలు తీసుకున్న సీఎం రేవంత్ రెడ్డి

యంగ్ ఇండియా పోలీస్ స్కూల్ బ్రోచర్, వెబ్‌సైట్ ఆవిష్కరణ – సీఎం రేవంత్ రెడ్డి కీలక సూచనలు

హైదరాబాద్: యంగ్ ఇండియా పోలీస్ స్కూల్ (Young India Police School) అభివృద్ధికి సంబంధించి ముఖ్యమంత్రి రేవంత్ రెడ్డి (Revanth Reddy) కీలక చర్యలు చేపట్టారు. ఈ క్రమంలోనే ఆయన స్కూల్‌కు సంబంధించిన బ్రోచర్ (Brochure) మరియు అధికారిక వెబ్‌సైట్ (Website) ను అధికారికంగా ఆవిష్కరించారు. అంతేకాకుండా, విద్యార్థులకు ప్రత్యేకంగా రూపొందించిన స్కూల్ యూనిఫార్మ్ నమూనాలను కూడా పరిశీలించారు.

ఈ సందర్భంగా సీఎం రేవంత్ రెడ్డి మాట్లాడుతూ, దేశంలోనే ఉత్తమమైన పోలీస్ స్కూల్‌గా (Police School) యంగ్ ఇండియా పోలీస్ స్కూల్ ను తీర్చిదిద్దాలని అధికారులను ఆదేశించారు. ఈ విద్యాసంస్థ, సైనిక్ స్కూల్ (Sainik School) తరహాలో ఉండేలా అత్యున్నత ప్రమాణాలతో అభివృద్ధి చేయాలని సూచించారు. విద్యార్థులకు నైపుణ్యాలు, క్రమశిక్షణతో కూడిన శిక్షణ అందించేందుకు తగిన చర్యలు తీసుకోవాలని పేర్కొన్నారు.

అలాగే, పోలీస్ అమరుల కుటుంబాలకు గౌరవ సూచకంగా, వారి పిల్లలకు ఈ స్కూల్‌లో అడ్మిషన్ల సమయంలో మొదటి ప్రాధాన్యత (Priority in Admissions) ఇవ్వాలని అధికారులను ఆదేశించారు. ఈ స్కూల్ విద్యార్థులకు ఉత్తమమైన శిక్షణ, సౌకర్యాలను కల్పించి, భవిష్యత్తు నేతలకు వీలైనన్ని అవకాశాలు అందించాలన్నదే ప్రభుత్వ లక్ష్యమని సీఎం స్పష్టం చేశారు.

Read More