మాజీ మంత్రి, వైసీపీ సీనియర్ నేత విడదల రజినీ (Vidadala Rajini)పై మాజీ ఎమ్మెల్సీ మర్రి రాజశేఖర్ (Marri Rajasekhar) తీవ్ర విమర్శలు చేశారు. తనను అవమానించారని, వైసీపీలో తగిన గుర్తింపు లేదని ఆవేదన వ్యక్తం చేశారు. పార్టీ తనకు మంత్రి పదవి ఇవ్వలేదని, చివరికి 2023లో ఎమ్మెల్సీ పదవి ఇచ్చారని తెలిపారు. 2024 ఎన్నికల్లో ఓడిపోయిన విడదల రజినీని చిలకలూరిపేట నియోజకవర్గ ఇన్చార్జ్గా నియమించారని, ఆమెను బలోపేతం చేసేందుకు తనను తక్కువ చేసి చూశారని ఆరోపించారు. ఈ పరిణామాల నేపథ్యంలో త్వరలో టీడీపీలో చేరనున్నట్లు స్పష్టం చేశారు.
రాజీనామా నిర్ణయంపై విడదల రజినీ స్పందన
మర్రి రాజశేఖర్ వైసీపీకి రాజీనామా చేయడం రాజకీయ వర్గాల్లో చర్చనీయాంశంగా మారింది. ఈ విషయంపై మాజీ మంత్రి విడదల రజినీ స్పందిస్తూ, మర్రి రాజశేఖర్ తన చర్యలను ఆత్మవిమర్శ చేసుకోవాలని సూచించారు. వైఎస్ కుటుంబం మర్రి కుటుంబానికి ఎంతో గౌరవం ఇచ్చిందని, వైఎస్సార్ స్వయంగా మర్రి గెలుపు కోసం ప్రచారం కూడా చేశారని గుర్తుచేశారు. మర్రి రాజశేఖర్ వైసీపీకి రాజీనామా చేసిన తర్వాత ఆయన శాసనమండలి ఛైర్మన్ కొయ్యే మోషేన్ రాజును కలిసి తన రాజీనామా పత్రాన్ని సమర్పించారు.
టీడీపీకి మారనున్న మర్రి రాజశేఖర్
వైసీపీ నుంచి తప్పుకున్న మర్రి రాజశేఖర్ త్వరలోనే టీడీపీలో చేరనున్నట్లు స్పష్టం చేశారు. రాజీనామా నిర్ణయాన్ని ఉపసంహరించుకోవాలని వైసీపీ అగ్రనేతలు ఒత్తిడి చేసినా తాను తుది నిర్ణయం తీసుకున్నట్లు తెలిపారు. ప్రతిపక్ష నేత బొత్స సత్యనారాయణ ఆయనను బుజ్జగించే ప్రయత్నం చేసినా, ఇకపై తన రాజకీయ భవిష్యత్తును టీడీపీలో కొనసాగిస్తానని మర్రి రాజశేఖర్ స్పష్టం చేశారు.
One thought on “మాజీ మంత్రి విడదల రజినీపై మర్రి రాజశేఖర్ తీవ్ర విమర్శలు – టీడీపీలో చేరేందుకు సిద్దం”
Comments are closed.