ఈసారి ఐపీఎల్ (IPL) సీజన్లో టైటిల్ను అందుకోవడమే లక్ష్యంగా సన్రైజర్స్ హైదరాబాద్ (SRH) ప్రణాళికలు సిద్ధం చేసుకుంటోంది. గత సీజన్లో అనూహ్యంగా ఫైనల్ వరకు దూసుకెళ్లిన సన్రైజర్స్ హైదరాబాద్ ఫైనల్ పోరులో కోల్కతా నైట్రైడర్స్ (KKR) చేతిలో ఓటమిపాలైంది. ఈ క్రమంలో ఈసారి ఆ తప్పిదాలను పునరావృతం కాకుండా జట్టు మేనేజ్మెంట్ పూర్తి స్థాయిలో ప్రణాళికలు సిద్ధం చేస్తోంది.
గత సీజన్లో సన్రైజర్స్ బ్యాటింగ్ బ్యాండ్ బాజా మాదిరిగా సాగింది. ఓపెనింగ్ నుంచి మిడిల్ ఆర్డర్ వరకు బ్యాటర్లు విరుచుకుపడటంతో ప్రత్యర్థి జట్లను అక్షరాలా ఉక్కిరి బిక్కిరి చేసింది. ఆ ధాటిని ఈ సీజన్లోనూ కొనసాగించాలని సన్రైజర్స్ యాజమాన్యం భావిస్తోంది. అందుకే గత సీజన్లో విజయవంతమైన తమ ఫార్ములాలో పెద్దగా మార్పులు చేయకుండా జట్టు సమతూకాన్ని కాపాడేందుకు ప్రయత్నిస్తోంది.
అంతేకాకుండా, కీలకమైన ఆటగాళ్లపై పూర్తి నమ్మకంతో ఉన్న మేనేజ్మెంట్ వారికి మరింత భరోసా కల్పించేందుకు సిద్ధమవుతోంది. ముఖ్యంగా ఫినిషింగ్ బాధ్యతలు చేపట్టే బ్యాటర్లను మరింత మెరుగుపరచాలని వ్యూహరచన చేస్తోంది. బౌలింగ్ విభాగంలోనూ కొత్త ప్రతిభావంతుల కోసం నజర్ పెట్టినట్లు సమాచారం.
ఈ సారి టైటిల్ తప్పక అందుకోవాలన్న సంకల్పంతోనే సన్రైజర్స్ కెప్టెన్ సహా మేనేజ్మెంట్ ప్రత్యేక ప్రణాళికలు రచిస్తున్నట్లు తెలిసింది. అభిమానులు తమకు మద్దతుగా నిలిచేందుకు సిద్దంగా ఉండాలని సన్రైజర్స్ జట్టు విజ్ఞప్తి చేసింది.
One thought on “టైటిల్ లక్ష్యంగా సన్రైజర్స్ హుడావిడి”
Comments are closed.