కాంగ్రెస్ సీనియర్ నేత డాక్టర్ శశిథరూర్ మరోసారి వివాదాస్పద వ్యాఖ్యలతో వార్తల్లోకెక్కారు. ఉగ్రవాదంపై కేంద్రం చేపట్టిన చర్యలను ప్రశంసించిన నేపథ్యంతో ఆయనపై సొంత పార్టీ నేతలే విమర్శలు గుప్పిస్తున్నారు. అయితే ఈ విమర్శలను త్రివిక్రమంగా తిప్పికొట్టిన థరూర్, “నాకు వాటిని పట్టించుకునేంత సమయం లేదు, నాకు ఎంతో ముఖ్యమైన పనులున్నాయి,” అంటూ తన వైఖరిని స్పష్టం చేశారు.
ఇటీవల జరిగిన పహల్గామ్ ఉగ్రదాడి అనంతరం చేపట్టిన “ఆపరేషన్ సిందూర్” పై అంతర్జాతీయంగా ప్రచారం నిమిత్తం ఏర్పాటైన భారత ప్రతినిధి బృందానికి శశిథరూర్ నాయకత్వం వహిస్తున్నారు. ఇప్పటికే అమెరికా, పనామా పర్యటనలు ముగించిన ఆయన బృందం, ప్రస్తుతం కొలంబియాలోని బొగోటాకు ప్రయాణం చేసింది.
పనామాలో బుధవారం జరిగిన కార్యక్రమంలో మాట్లాడిన థరూర్, “యూరీ దాడి తర్వాత నియంత్రణ రేఖ దాటి భారత్ సర్జికల్ స్ట్రైక్స్ చేసింది. పుల్వామా దాడి అనంతరం బాలాకోట్లో బాంబుల వర్షం కురిపించాం. ఇప్పుడు పాకిస్థాన్లోని పంజాబ్ ప్రాంతంలో తొమ్మిది ఉగ్రవాద శిబిరాలను ధ్వంసం చేశాం,” అంటూ కేంద్ర ప్రభుత్వ చర్యలను ప్రశంసించారు.
ఈ వ్యాఖ్యలపై కాంగ్రెస్ నేతలు తీవ్రంగా స్పందించారు. ఉదిత్ రాజ్ ఆయనపై మండిపడుతూ “థరూర్ బీజేపీకి సూపర్ ప్రతినిధిగా మారారు, మోదీ భజన చేస్తున్నారు,” అంటూ ఘాటు వ్యాఖ్యలు చేశారు. అలాగే పవన్ ఖేరా, జైరాం రమేశ్ వంటి నేతలు కూడా శశిథరూర్పై సోషల్ మీడియాలో వ్యంగ్యంగా స్పందించారు.
వివాదం నేపథ్యంలో గురువారం “ఎక్స్” వేదికగా స్పందించిన థరూర్, “కొలంబియాకు వెళ్లే ముందు ఇదే నా చివరి స్పందన. నేను ఉగ్రవాదంపై భారత ప్రతీకార చర్యల గురించి మాత్రమే మాట్లాడాను. కానీ కొందరు దాన్ని వక్రీకరిస్తూ ట్రోల్ చేస్తున్నారు. నా సమయం విలువైనది. నాకు ఇంతకంటే ముఖ్యమైన పనులున్నాయి,” అంటూ తేల్చిచెప్పారు.
Read More : రాజ్నాథ్ వ్యాఖ్యలు: పీఓకే ఒకరోజు భారత్లోనే కలిసిపోతుంది.
2 thoughts on “తాను పట్టించుకోనని తేల్చేసిన సీనియర్ నేత”
Comments are closed.