నాగచైతన్య, సమంత ప్రేమకథ ఒక సినిమా లాగే సాగింది. అయితే, 2021లో అనూహ్యంగా వారి వివాహ బంధం ముగిసింది. ప్రేమలో ఉన్న సమయంలో, తమ అనుబంధాన్ని గుర్తు చేసుకునేలా ప్రత్యేకమైన టాటూలు వేయించుకున్నారు. పెళ్లి తర్వాత కూడా చై, సమంత ఈ జ్ఞాపకాలను మరింత పదిలం చేసుకున్నారు.
వీరిద్దరూ చేతిపై ఒకే రకమైన వైకింగ్ టాటూ వేయించుకున్నారు, దాని అర్థం “Create Your Own Reality”. పెళ్లి తర్వాత నాగచైతన్య, మోర్స్ కోడ్లో వారి వివాహ తేదీని టాటూ చేసుకున్నారు. ఇక సమంత, తన కుడి వెనుక భాగంలో “Chay” అనే పేరు, అలాగే తన తొలి సినిమా ‘ఏ మాయ చేసావే’కి గుర్తుగా “YMC” టాటూ వేయించుకున్నారు.
ఇప్పుడు నాగచైతన్య, సోభిత ధూళిపాళ్లను వివాహం చేసుకున్న తర్వాత, ఆయన తన టాటూల ప్రాముఖ్యతపై ఆసక్తి చూపించడం మానేశారు. తాజాగా, సమంత తన టాటూలను తొలగించినట్లు అభిమానులు గమనించారు. ఇది ఆమె గతాన్ని పూర్తిగా మరచిపోవాలనే నిర్ణయమా? అనే చర్చ సోషల్ మీడియాలో జోరుగా సాగుతోంది.
ఇదే సమయంలో, సమంత దర్శకుడు రాజ్ నిడిమొరును డేటింగ్ చేస్తున్నారనే వార్తలు వినిపిస్తున్నాయి. నాగచైతన్య, సమంత ఇద్దరూ కొత్త జీవితం ప్రారంభించగా, అభిమానులు కూడా వారి నిర్ణయాలను గౌరవించడం మంచిదనే అభిప్రాయం వ్యక్తమవుతోంది.
One thought on “సమంత గతాన్ని మరచిపోవడానికి శ్రమిస్తున్నారా?”
Comments are closed.