‘జైలర్’ బ్లాక్బస్టర్ విజయం తర్వాత రజనీకాంత్ నటిస్తున్న ‘జైలర్ 2’పై భారీ అంచనాలు నెలకొన్నాయి. నెల్సన్ దిలీప్ దర్శకత్వంలో సన్ పిక్చర్స్ నిర్మిస్తున్న ఈ చిత్రం త్వరలో ప్రేక్షకుల ముందుకు రానుంది. ఈ నేపథ్యంలో ‘జైలర్ 2’ను తెలుగులో డబ్ చేయాలనే ఆసక్తి చూపిస్తున్న నిర్మాణ సంస్థలు భారీ ఆఫర్లు చేస్తున్నాయి.
తెలుగులో ‘జైలర్’ మొదటి భాగం రూ.100 కోట్ల వసూళ్లు అందుకోవడంతో ‘జైలర్ 2’పై తెలుగు మార్కెట్లో మరింత ఆసక్తి పెరిగింది. పలు నిర్మాణ సంస్థలు రూ.50 నుండి రూ.60 కోట్ల వరకు డబ్బింగ్ హక్కుల కోసం రెడీగా ఉన్నప్పటికీ, సన్ పిక్చర్స్ వారు ఇప్పటివరకు వాటిని అంగీకరించలేదు.
కోలీవుడ్ వర్గాల ప్రకారం, సన్ పిక్చర్స్ ‘జైలర్ 2’ తెలుగు రైట్స్ ద్వారా రూ.100 కోట్లు వసూలు చేయాలనే లక్ష్యంతో ఉన్నట్లు సమాచారం. అయితే, తెలుగులో ‘జైలర్ 2’కు అంత స్థాయి మార్కెట్ ఉందా అనే అనుమానాలు పరిశ్రమలో వ్యక్తమవుతున్నాయి.
తెలుగు రాష్ట్రాల్లో నేరుగా విడుదల చేయడం కన్నా, ప్రముఖ డిస్ట్రిబ్యూటర్లకు హక్కులు ఇచ్చి విడుదల చేయడమే మంచిదని ట్రేడ్ వర్గాలు సూచిస్తున్నాయి. రజనీకాంత్ మార్కెట్ స్థాయిని పరిగణలోకి తీసుకుని సన్ పిక్చర్స్ వ్యూహాత్మక నిర్ణయం తీసుకోవాల్సిన అవసరం ఉందని పరిశీలకులు అభిప్రాయపడుతున్నారు.
One thought on “‘జైలర్ 2’ తెలుగు డబ్బింగ్ రైట్స్ కోసం భారీ పోటీ!”
Comments are closed.