జమ్మూకశ్మీర్లోని పుల్వామా జిల్లాలో గురువారం ఉదయం భద్రతా బలగాలు, ఉగ్రవాదుల మధ్య తీవ్ర కాల్పులు చోటుచేసుకున్నాయి. దక్షిణ కశ్మీర్లోని అవంతిపురా ప్రాంతంలోని నాదేర్ త్రాల్ గ్రామంలో ఉగ్రవాదులు దాక్కొని ఉన్నారని నిఘా వర్గాల సమాచారం మేరకు భద్రతా బలగాలు తెల్లవారుజామున ప్రత్యేక తనిఖీ ఆపరేషన్ ప్రారంభించాయి.
ఈ తనిఖీలు జరుగుతున్న సమయంలో, దాక్కున్న ఉగ్రవాదులు అకస్మాత్తుగా భద్రతా సిబ్బందిపై కాల్పులు జరిపారు. భద్రతా దళాలు ప్రతిదాడికి దిగాయి. కొంతకాలం పాటు ఇరువర్గాల మధ్య గట్టిగా ఎదురుకాల్పులు కొనసాగాయి. ఈ ఘటనలో ఓ ఉగ్రవాది హతమైనట్టు సమాచారం. ఇంకా ఇద్దరు లేదా ముగ్గురు ఉగ్రవాదులు అక్కడే దాక్కొని ఉన్నట్టు భావిస్తున్నారు.
ప్రస్తుతం ఆ ప్రాంతంలో కాల్పులు కొనసాగుతున్నాయని అధికారులు తెలిపారు. భద్రతా బలగాలు మొత్తం ప్రాంతాన్ని తమ నియంత్రణలోకి తీసుకుని, మిగిలిన ఉగ్రవాదుల కోసం గాలింపు చర్యలను ముమ్మరం చేశాయి.
అధికారులు ప్రజలను అప్రమత్తం చేస్తూ, ఎవరూ ఇళ్ల నుంచి బయటకు రావొద్దని సూచనలు జారీ చేశారు. ఎదురుకాల్పుల వివరాలు పూర్తిగా అందాల్సి ఉంది.
Read More : ఘట్టంలో మావోయిస్టులకు గట్టి దెబ్బ
One thought on “జమ్మూకశ్మీర్ పుల్వామాలో ఎదురుకాల్పులు”
Comments are closed.