ఢిల్లీ రాజకీయ వర్గాలను కుదిపేస్తున్న నేషనల్ హెరాల్డ్ కేసులో కీలక పరిణామం చోటుచేసుకుంది. మనీ లాండరింగ్ ఆరోపణల నేపథ్యంలో ఈ కేసులో ఈడీ (ఎన్ఫోర్స్మెంట్ డైరెక్టరేట్) సోనియా గాంధీ, రాహుల్ గాంధీ సహా పలువురు ప్రముఖ కాంగ్రెస్ నేతలపై అధికారికంగా చార్జిషీట్ దాఖలు చేసింది.
నేషనల్ హెరాల్డ్ పత్రికకు సంబంధించి ఆర్థిక లావాదేవీల్లో అనేక అనుమానాస్పద మార్పిడి జరిగినట్లు ఇప్పటికే ఈడీ విచారణలో స్పష్టం కాగా, ఇప్పుడీ కేసు మరింత తీవ్రతరం అవుతోంది. కాంగ్రెస్ పార్టీకి చెందిన యంగ్ ఇండియా లిమిటెడ్ సంస్థ ద్వారా నేషనల్ హెరాల్డ్కు సంబంధించిన ఆస్తులను అక్రమంగా స్వాధీనం చేసుకున్నారనే ఆరోపణలపై ఈడీ తీవ్రంగా దృష్టిసారించింది.
చార్జిషీట్లో సోనియా, రాహుల్ పేర్లు వెలువడటం రాజకీయంగా పెను దుమారం రేపుతోంది. ఇప్పటికే ఈ కేసులో పలుమార్లు విచారణకు హాజరైన సోనియా, రాహుల్… అన్ని ఆరోపణల్నీ ఖండించినప్పటికీ, ఈడీ ఆధారాలతో కూడిన చార్జిషీట్ను దాఖలు చేయడం కొత్త మలుపుగా మారింది.
ఈడీ తీరుపై కాంగ్రెస్ పార్టీ తీవ్ర అభ్యంతరం వ్యక్తం చేస్తోంది. ఇది రాజకీయంగా కుట్ర మాత్రమేనని, కేంద్రం రాజకీయ దురుద్దేశంతో విచారణను మలుపు తిప్పుతోందని మండిపడుతోంది.
ఈ కేసుకు సంబంధించి తదుపరి విచారణ తేదీకి దేశవ్యాప్తంగా ఉత్కంఠ నెలకొంది.
Read More : ఢిల్లీలో గాలి కాలుష్యం ప్రమాదకరంగా మారింది: నితిన్ గడ్కరీ హెచ్చరిక
One thought on “నేషనల్ హెరాల్డ్ కేసులో సోనియా, రాహుల్ గాంధీపై ఈడీ చార్జిషీట్ ..”
Comments are closed.