సహస్ర హత్య కేసులో నిందితుడైన పదో తరగతి విద్యార్థిని కఠినంగా శిక్షించాలని డిమాండ్ చేస్తూ కూకట్పల్లి పోలీస్ స్టేషన్ వద్ద ఉద్రిక్త వాతావరణం నెలకొంది. తమ బిడ్డను దారుణంగా హత్య చేసిన నిందితుడిని ఎన్కౌంటర్ చేయాలని, లేదంటే తమకు అప్పగించాలని డిమాండ్ చేస్తూ సహస్ర తల్లిదండ్రులు, బంధువులు ఆందోళనకు దిగారు.
రోడ్డుపై బైఠాయించి ఆందోళన:
ఆవేశంతో ఊగిపోయిన సహస్ర కుటుంబసభ్యులు, “మా బిడ్డను ఎలా చంపాడో, అతన్ని కూడా అలాగే చంపుతాం” అంటూ నినాదాలు చేశారు. కూకట్పల్లి పోలీస్ స్టేషన్ ఎదుట రోడ్డుపై బైఠాయించి ఆందోళన చేపట్టారు. వారి ఆందోళనకు ప్రజాశాంతి పార్టీ అధినేత కే.ఏ. పాల్ కూడా మద్దతు ప్రకటించారు. పోలీసులు ఎంత నచ్చజెప్పినా వారు శాంతించలేదు. తమకు న్యాయం జరిగే వరకు ఆందోళన కొనసాగిస్తామని తేల్చి చెప్పారు.
ఘటనా వివరాలు:
పదో తరగతి చదువుతున్న నిందితుడు సహస్ర అనే బాలికను ప్రైవేట్ ట్యూషన్ అనంతరం ఇంటికి వెళ్తున్న సమయంలో అపహరించి, హత్య చేశాడు. ఈ ఘటన రాష్ట్రవ్యాప్తంగా సంచలనం సృష్టించింది. నిందితుడిపై కఠిన చర్యలు తీసుకోవాలని ప్రజలు డిమాండ్ చేస్తున్నారు.
Read More : కూకట్పల్లిలో చిన్నారి హత్య వెనుక నిజంగా క్రికెట్ బ్యాట్ కోసమేనా?
One thought on “కూకట్పల్లి పోలీస్ స్టేషన్ వద్ద ఉద్రిక్తత.”
Comments are closed.