తెలంగాణలో కాంగ్రెస్ అధికారంలోకి వచ్చాక భూముల ధరలు క్షీణించాయని బీఆర్ఎస్ సీనియర్ నేత, ఎమ్మెల్యే హరీశ్ రావు తీవ్ర వ్యాఖ్యలు చేశారు. మేడక్ జిల్లా ప్రజ్ఞాపూర్లో గజ్వేల్ నియోజకవర్గంలోని బీఆర్ఎస్ కీలక నాయకులతో జరిగిన విస్తృతస్థాయి సమావేశంలో ఆయన మాట్లాడారు. ఒకప్పుడు తెలంగాణలో ఒక ఎకరం భూమిని అమ్మితే ఆంధ్రప్రదేశ్లో పది ఎకరాలు కొనగలిగేవారని గుర్తు చేసిన హరీశ్, ప్రస్తుతం పరిస్థితి తిరుగుబాటు అయ్యిందని అన్నారు. ఇప్పుడు ఏపీలో ఒక ఎకరం భూమిని అమ్మితే తెలంగాణలో కేవలం రెండు ఎకరాలే వస్తున్నాయని చెప్పారు. ఇందుకు కారణం సీఎం రేవంత్ రెడ్డి పాలనలో ప్రభుత్వ యంత్రాంగం చేతకానివాటిగా మారిందని వ్యాఖ్యానించారు. ఇంకా కొనసాగుతూ… ‘‘ఇలా మరిచిపోయేలా భూముల రేట్లు పడిపోతున్నాయి. మరో రెండు సంవత్సరాలు ఇదే తరహా పాలన కొనసాగితే భూముల ధరలు సగానికి పడిపోతాయి’’ అని హెచ్చరించారు. ఈ నేపథ్యంలో ప్రజలు మళ్లీ కేసీఆర్ను గెలిపించాలని ఆకాంక్షిస్తున్నారని చెప్పారు. హరీశ్ రావు, కాంగ్రెస్ ప్రభుత్వం అమలు చేసిన రుణ మాఫీపై కూడా మండిపడ్డారు. రైతులకు 30 పైసలు రుణ మాఫీ చేసినట్టు ప్రకటించారని, కానీ వాస్తవంగా 70 పైసలు ఎగ్గొట్టారని ఆరోపించారు. అలాగే బీఆర్ఎస్ నేతలు, కార్యకర్తలపై అక్రమ కేసులు నమోదు చేస్తున్నారని తీవ్ర స్థాయిలో మండిపడ్డారు.
తాజా సర్వే ఫలితాల ప్రకారం రాష్ట్రంలోని 31 జడ్పీల్లో కనీసం 16-18 ప్రాంతాల్లో బీఆర్ఎస్ విజయభేరి మోగించనుందని అన్నారు. సిద్దిపేట జిల్లా ఎక్కువ మండలాల్లో పార్టీ విజయం సాధించాలంటూ పార్టీ శ్రేణులకు పిలుపునిచ్చారు.
రాష్ట్రంలో కాంగ్రెస్ ప్రభుత్వ పరిపాలనపై కూడా విమర్శలు గుప్పించిన హరీష్ రావు… ‘‘రాహుల్ గాంధీ వాఖ్యలు మాటలకే పరిమితం. అశోక్నగర్కు వెళ్లిన రాహుల్ ఇప్పుడున్న పరిస్థితుల్లో మౌనం వహిస్తున్నారు. విద్యార్థులు, నిరుద్యోగులు ఇప్పుడు రేవంత్కు బుద్ధి చెప్పేందుకు సిద్ధంగా ఉన్నారు’’ అన్నారు.
అంతేకాక, కేసీఆర్ హయాంలో లక్షా 68 వేల ఉద్యోగాలు ఇచ్చినట్టు గుర్తు చేస్తూ, కాంగ్రెస్ ప్రభుత్వం కేవలం 12 వేల ఉద్యోగాలు ఇచ్చి దాన్ని 60 వేలు అని చెప్పడాన్ని విమర్శించారు. రైతులకు ఇబ్బందులు మొదలైనవి కూడా కాంగ్రెస్ అధికారంలోకి వచ్చిన తర్వాతేనని ఆయన విమర్శలు గుప్పించారు.
Read More : సమాచార హక్కు కమిషన్లో బీసీలకు, ఎస్టీలకు చోటు లేదా?
One thought on “భూముల ధరల పతనంపై హరీశ్ రావు తీవ్ర వ్యాఖ్యలు”
Comments are closed.