సోషల్ మీడియాలో లైకులు, ఫాలోవర్ల కోసం కొందరు యువకులు తమ ప్రాణాలనే పణంగా పెడుతున్నారు. తాజాగా గుజరాత్లో జరిగిన ఓ ఘటన ఇందుకు తార్కాణంగా నిలిచింది. భావనగర్ జిల్లాలో ఓ యువకుడు ఆహారం తింటున్న సింహం దగ్గరికి వెళ్లి వీడియో తీయాలని ప్రయత్నించగా, అతడు ప్రాణాలను సైతం ప్రమాదంలోకి నెట్టుకున్నాడు. ఈ ఘటనకు సంబంధించిన వీడియో ప్రస్తుతం ఇంటర్నెట్లో వైరల్గా మారింది.
వివరాల్లోకి వెళ్తే… అడవిలో ఓ సింహం వేటాడిన జంతువును తింటోంది. ఆ సమయంలో ఓ యువకుడు తన ఫోన్తో నెమ్మదిగా దాని దగ్గరకు చేరుకుని క్లోజప్ వీడియో తీయాలని చూశాడు. మొదట ఆహారంలో నిమగ్నమైన సింహం, కొద్ది సేపటికి అతడిని గమనించి ఒక్కసారిగా గర్జిస్తూ దూసుకొచ్చింది. దీంతో భయపడిపోయిన యువకుడు వెనక్కి తగ్గి పరారయ్యాడు. అదృష్టవశాత్తూ సింహం మళ్లీ తన ఆహారం వైపే తిరుగడంతో అతడు సురక్షితంగా బయటపడ్డాడు. ఈ క్రమంలో చుట్టుపక్కల ఉన్నవారు భయంతో కేకలు వేస్తూ కనిపించిన దృశ్యాలు కూడా వీడియోలో ఉన్నాయి.
ఈ వీడియో సోషల్ మీడియాలో పంచుకోగానే వేగంగా వైరల్ అయ్యింది. నెటిజన్లు యువకుడి నిర్లక్ష్యంపై తీవ్ర స్థాయిలో విమర్శలు గుప్పిస్తున్నారు. ప్రాణాలతో ఆటలు ఆడుతూ ఇలాంటి మూర్ఖపు పనులు చేయకూడదని హెచ్చరిస్తున్నారు. వన్యప్రాణి నిపుణులు కూడా ఇలాంటి సంఘటనలు చాలా ప్రమాదకరమని, ముఖ్యంగా సింహం వంటి క్రూర మృగాలకు దగ్గరగా వెళ్లకూడదని, వాటి సహజ ఆవాసాలకు భంగం కలిగించవద్దని హెచ్చరికలు జారీ చేస్తున్నారు.
Read More : ధారాలీలో సైన్యం సహాయక చర్యలు
One thought on “సింహం దగ్గరికి వెళ్లి వీడియో తీయాలన్న యువకుడు”
Comments are closed.