కూటమి ప్రభుత్వం అధికారంలోకి వచ్చిన తర్వాత కక్ష సాధింపు చర్యలు మరింత తీవ్రతరమవుతున్నాయి. పల్నాడు జిల్లా మాచవరం మండలం పిన్నెళ్లి గ్రామంలోని 400 కుటుంబాలపై కూటమి ప్రభుత్వం బహిష్కరణ వేటు వేసింది. ఈ బాధిత కుటుంబాలన్నీ ఎస్సీ, బీసీ, మైనార్టీలకే చెందుతుండటం గమనార్హం.
ఈ నేపథ్యంలో గురువారం తాడేపల్లిలోని వైఎస్సార్ కాంగ్రెస్ పార్టీ కార్యాలయంలో పిన్నెల్లి గ్రామస్తులు వైఎస్సార్సీపీ అధినేత, మాజీ సీఎం వైఎస్ జగన్మోహన్ రెడ్డిని కలుసుకున్నారు. తమపై జరుగుతున్న అన్యాయాన్ని వివరించి, గ్రామంలోకి వస్తే ప్రాణహాని ఎదురవుతుందనే బెదిరింపులు ఎదుర్కొంటున్నామని విన్నవించుకున్నారు.
ఈ విషయంపై వైఎస్ జగన్ స్పందించి బాధితులకు పూర్తి మద్దతు ప్రకటించారు. న్యాయ సహాయం అందిస్తామంటూ హామీ ఇచ్చారు. అంతేకాదు, పిన్నెల్లి గ్రామంలో జరుగుతున్న దమన రాజకీయాలను నిరసిస్తూ త్వరలో ‘చలో పిన్నెళ్లి’ కార్యక్రమాన్ని చేపట్టాలని వైఎస్సార్సీపీ నిర్ణయించింది.
ఈ సమావేశంలో గురజాల మాజీ ఎమ్మెల్యే కాసు మహేష్ రెడ్డి సహా పిన్నెల్లి, తురకపాలెం, మాదెనపాడు, చెన్నాయపాలెం గ్రామస్తులు పాల్గొన్నారు.
One thought on “400 కుటుంబాలపై బహిష్కరణ, బాధితులకు వైఎస్ జగన్ మద్దతు”
Comments are closed.