ఆంధ్రప్రదేశ్ రాష్ట్రంలో పర్యాటక రంగ అభివృద్ధికి మరింత బలం చేకూరేలా ముఖ్యమంత్రి నారా చంద్రబాబు నాయుడు కీలక సూచనలు చేశారు. శుక్రవారం విజయవాడలో జరిగిన జీఎఫ్ఎస్టీ టూరిజం కాన్క్లేవ్లో ముఖ్య అతిథిగా పాల్గొన్న ఆయన, కార్వాన్ పర్యాటకాన్ని సామాన్యులకు అందుబాటులోకి తీసుకురావాలని నిర్వాహకులను కోరారు. ఈ సందర్భంగా బాబా రామ్దేవ్తో కలిసి ‘నడిచే హోటల్’లుగా పేరొందిన కార్వాన్లను ప్రారంభించారు. ఈ కాన్క్లేవ్లో రాష్ట్ర పర్యాటక రంగంపై దృష్టి సారిస్తూ, రూ.2 లక్షల కోట్ల పెట్టుబడుల లక్ష్యంతో రాష్ట్ర ప్రభుత్వం ముందుకెళ్తోంది. ఇప్పటికే పలు పర్యాటక ప్రాజెక్టులకు పారిశ్రామిక హోదా కల్పించిన ప్రభుత్వం, ఈ వేదికపై మరో రూ.10,039 కోట్ల విలువైన పెట్టుబడుల ఒప్పందాలకు ముహూర్తం పెట్టింది. అమరావతి, విశాఖపట్నం, తిరుపతిలో కొత్త హోటళ్ల నిర్మాణానికి కితాబు ఇచ్చింది.
ఈ కార్యక్రమంలో మంత్రి కందుల దుర్గేష్, ఎంపీ కేశినేని శివనాథ్, ఎమ్మెల్యే గద్దె రామ్మోహన్ లతో పాటు పారిశ్రామిక వేత్తలు, వివిధ శాఖల ఉన్నతాధికారులు పాల్గొన్నారు.
ఈ సందర్భంగా బాబా రామ్దేవ్ మాట్లాడుతూ, చంద్రబాబు నాయుడు రాష్ట్రానికి వరమని ప్రశంసించారు. యోగా, ఆయుర్వేదం, నేచురోపతి సేవలను రాష్ట్ర హోటళ్లలో ఉచితంగా అందిస్తామని వెల్లడించారు. హార్సిలీ హిల్స్ నుంచి అరకు వరకు పర్యటించిన అనుభవాన్ని వివరించుతూ, ప్రపంచంలోని అన్ని ప్రాంతాలతో పోల్చితే ఆంధ్రప్రదేశ్ అత్యంత అందమైన రాష్ట్రమని కొనియాడారు. ముఖేష్ అంబానీ తనయుడు అనంత్ వివాహం ఏపీలో జరగాలన్న ఆకాంక్షను వ్యక్తం చేస్తూ, ఏపీని వెడ్డింగ్ డెస్టినేషన్గా తీర్చిదిద్దాలని సూచించారు. ఈ రాష్ట్రానికి ప్రచారకర్తగా ఉచితంగా పని చేయడానికి సిద్ధంగా ఉన్నట్టు తెలిపారు. ఏపీలో ఉన్న ప్రకృతి సౌందర్యం, వాతావరణం ప్రపంచంలోకెల్లా ప్రత్యేకమని అన్నారు. తన వయస్సు 65 సంవత్సరాలైనా మానసికంగా 25 ఏళ్లయిన యువకుడిని అని పేర్కొన్న బాబా రామ్దేవ్, చంద్రబాబు నాయుడు ‘మ్యాన్ ఆఫ్ హోప్’ అని ప్రశంసించారు. హార్సిలీ హిల్స్ను ప్రపంచస్థాయి సైకియాట్రిక్ వెల్నెస్ సెంటర్గా అభివృద్ధి చేస్తామని ప్రకటించారు.
Read More : పతంజలి భారీ పెట్టుబడి.. ఉత్తరాంధ్రకు పరిశ్రమల ఊపు
One thought on “CBN : ఏపీ టూరిజం కు గ్లోబల్ దిశలో ముందడుగు”
Comments are closed.