పవన్ కళ్యాణ్ పేరు … చివరికి చేర్చిన ప్రభుత్వం

అమరావతిలో జరుగుతున్న అధికారిక కార్యక్రమాల కోసం ముద్రించిన ఆహ్వాన పత్రిక ఇప్పుడు రాజకీయంగా చర్చనీయాంశంగా మారింది. ప్రధానమంత్రి మరియు ముఖ్యమంత్రి పేర్లతో మాత్రమే ముద్రించిన ప్రారంభ ఆహ్వాన పత్రికలు వివాదానికి దారి తీశాయి.

ఈ ఆహ్వాన పత్రికల్లో డిప్యూటీ సీఎం పవన్ కళ్యాణ్ పేరు లేకపోవడాన్ని ప్రతిపక్షాలు తీవ్రంగా ఎత్తిచూపుతూ సోషల్ మీడియాలో ట్రోలింగ్‌కు దిగాయి. దీనిపై ప్రభుత్వం స్పందించి వెంటనే చర్యలు తీసుకుంది. ఫిర్యాదుల నేపథ్యంలో కొత్త ఆహ్వాన పత్రికల్లో పవన్ కళ్యాణ్ పేరును కూడా చేర్చింది.

ఈ పరిణామం ప్రభుత్వ పరిపాలనలో సమన్వయం, ప్రాధాన్యతలపై ప్రశ్నలు కలిగిస్తోంది. అధికారిక కార్యక్రమాల్లో కీలక నేతలకు ప్రాధాన్యత ఇవ్వడంలో స్పష్టత ఉండాలన్న అభిప్రాయాలు వ్యక్తమవుతున్నాయి.

Read More : బాధిత కుటుంబాలను పరామర్శించిన మాజీ సీఎం..