హైదరాబాద్ నగరంలో మంగళవారం సాయంత్రం భారీ వర్షం కురిసింది. అమీర్పేట్, యూసుఫ్గూడ, మాధాపూర్, దుర్గం చెరువు, హైటెక్ సిటీ, జూబ్లీహిల్స్, బంజారా హిల్స్, పెద్దమ్మగుడి, కూకట్పల్లి, మియాపూర్, ఉప్పల్, తార్నాక వంటి ప్రాంతాల్లో వర్షం విరజిమ్మడంతో రహదారులు నీటమునిగిపోయాయి. గంటల తరబడి కురిసిన వర్షంతో అనేక లోతట్టు ప్రాంతాల్లో నీరు నిలిచిపోయి, వాహనదారులు తీవ్ర ఇబ్బందులు ఎదుర్కొన్నారు.
ప్రధాన రహదారులపై వర్షపు నీరు చేరడంతో కిలోమీటర్ల మేర ట్రాఫిక్ జామ్ ఏర్పడి, వాహనాల రాకపోకలు దాదాపు నిలిచిపోయాయి. కార్యాలయాలు ముగిసిన సమయానికే వర్షం కురవడంతో రోడ్లపై వాహనాల రద్దీ మరింత పెరిగి, ట్రాఫిక్ సిబ్బందికి నియంత్రణలో సవాళ్లు ఎదురయ్యాయి.
మరోవైపు, వర్షం కారణంగా కొన్ని ప్రాంతాల్లో విద్యుత్ సరఫరా అంతరాయం కలిగినట్లు సమాచారం. వర్షం కొనసాగుతుందని వాతావరణ శాఖ హెచ్చరించడంతో నగరవాసులు అప్రమత్తంగా ఉండాలని అధికారులు సూచించారు.
