ఢిల్లీ నగరంలోని 20కి పైగా పాఠశాలలకు బాంబు బెదిరింపు ఈమెయిల్స్ రావడంతో తీవ్ర కలకలం రేగింది. దీనితో విద్యార్థులు, తల్లిదండ్రులు భయాందోళనకు గురయ్యారు. సమాచారం అందుకున్న వెంటనే పోలీసులు అప్రమత్తమై ఆయా స్కూళ్లకు చేరుకుని విద్యార్థులను సురక్షితంగా బయటకు తరలించారు. తరువాత బాంబ్ స్క్వాడ్, డాగ్ స్క్వాడ్లతో స్కూళ్లలో గట్టిగా తనిఖీలు నిర్వహించారు. ఇప్పటివరకు ఎక్కడా అనుమానాస్పద వస్తువులు లభించలేదని అధికారులు తెలిపారు. ఇది పుకారే అయి ఉండొచ్చని భావిస్తున్నప్పటికీ, బెదిరింపుల వెనుక ఎవరున్నారు అనే దానిపై పోలీసులు దర్యాప్తు ప్రారంభించారు. ఈ సంఘటన నేపథ్యంలో తల్లిదండ్రుల్లో ఆందోళన నెలకొనగా, పలు పాఠశాలలు తాత్కాలికంగా మూసివేయబడ్డాయి. విద్యార్థుల భద్రతే తమకు ప్రథమమని స్కూల్ యాజమాన్యాలు స్పష్టం చేశాయి. పూర్తి స్థాయిలో విచారణ జరిపి నిజాలను త్వరలో బయటపెడతామని పోలీస్ అధికారులు తెలిపారు.
Read More : Rahul Gandhi : బీజేపీకి అనుకూలంగా పనిచేస్తోంది
