అప్పటి వరకూ ప్రకటనల నుండి దూరంగా ఉన్న ప్రపంచ ప్రఖ్యాత మెసేజింగ్ యాప్ వాట్సాప్లో ఇకపై యాడ్స్ కనిపించనున్నాయి. ఈ విషయాన్ని వాట్సాప్ మాతృసంస్థ మెటా అధికారికంగా ప్రకటించింది. ఇకపై యూజర్లకు స్టేటస్ సెక్షన్ మరియు ఛానల్స్ విభాగాల్లో ప్రకటనలు చూపించనున్నట్లు మెటా ప్రకటించింది. వాట్సాప్ను 2014లో ఫేస్బుక్ (ప్రస్తుత మెటా) కొనుగోలు చేసినప్పటి నుంచీ యూజర్లు ఈ ప్లాట్ఫారాన్ని యాడ్-ఫ్రీగా ఉపయోగించేవారు. నాటి నుంచి ఇప్పటివరకు మెటా వాట్సాప్లో యాడ్స్ చూపించకుండా నిలకడగా నడిపింది. అయితే తాజాగా ప్రకటించిన ఈ నిర్ణయం వాట్సాప్ విధానాల్లో పెద్ద మార్పుగా చెప్పుకోవచ్చు.
వాట్సాప్లో ప్రస్తుతం ‘స్టేటస్’ పేరుతో ఉన్న ఫీచర్ ద్వారా యూజర్లు 24 గంటల్లో అడుగు మిగిలే ఫోటోలు, వీడియోలు, టెక్స్ట్లు షేర్ చేస్తుంటారు. ఇక ‘ఛానల్స్’ విభాగం ద్వారా పెద్ద పెద్ద బ్రాండ్లు, సంస్థలు, ప్రజాదరణ పొందిన వ్యక్తులు తమ సందేశాలను ఫాలోవర్లకు పంపే వీలుంటుంది. ఈ రెండు విభాగాల్లోనే ప్రకటనలను అమలు చేయనున్నట్లు కంపెనీ వెల్లడించింది.
ఈ ప్రకటనల వల్ల మెటాకు ఆదాయ వనరులు పెరగవచ్చన్న అంచనాలు వ్యక్తమవుతున్నాయి. అయితే, యూజర్లు దీనిపై ఎలా స్పందిస్తారన్నది ఆసక్తికరంగా మారింది. ఇప్పటి వరకు యాడ్ల నుండి దూరంగా ఉండే యాప్గా పేరుపొందిన వాట్సాప్లో ఇలాంటి మార్పులు వినియోగదారుల అనుభవాన్ని ఎలా ప్రభావితం చేస్తాయన్నది సమయానుసారంగా తేలనుంది.
Read More : అమెజాన్ ఆఫర్ల పేరుతో వంచనలు..
One thought on “వాట్సాప్లో ప్రకటనలకు మెటా గ్రీన్ సిగ్నల్”
Comments are closed.