అల్లూరి సీతారామరాజు జిల్లా అడ్డతీగల మండలంలోని పనుకురాతిపాలెం గ్రామంలో గిరిజనులు తమ పిల్లల ఆరోగ్యం కోసం ప్రాణాలను కూడా పణంగా పెట్టి పోరాడుతున్నారు. గ్రామానికి సరైన రహదారి సౌకర్యం లేకపోవడం, వాగుపై వంతెన నిర్మించకపోవడంతో వారు ప్రతిసారీ పెద్దేరు వాగు పైపైనే ప్రయాణించాల్సి వస్తోంది. ముఖ్యంగా చిన్నారులు అనారోగ్యానికి గురైతే ఆసుపత్రికి తీసుకెళ్లేందుకు గిరిజనులు ట్యూబ్ సాయంతో వాగు దాటి వెళ్లుతున్నారు. వర్షాకాలంలో వాగు ఉప్పొంగి ప్రవహించినా, వర్షం పడుతుంటేనూ తల్లిదండ్రులు ఎటువంటి భద్రతా చర్యలు లేకుండా చిన్నారులతో పాటు ట్యూబ్పై ప్రయాణిస్తూ ప్రాణాలను ప్రమాదంలోకి నెడుతున్నారు. వాగు ఉప్పొంగితే ఈ గ్రామానికి ప్రపంచంతో సంబంధాలు పూర్తిగా తెగిపోతాయి.
ఇప్పటికీ ఆధునిక వైద్య సదుపాయాలు, రహదారి, వంతెన లేని ఈ మారుమూల గిరిజన గ్రామానికి సంబంధిత శాఖలు కనీస అవగాహన చూపకపోవడం గమనార్హం. స్థానికులు చాలాసార్లు ప్రభుత్వ అధికారులకు వినతులు ఇచ్చినా ప్రతిస్పందన లేకపోవడంపై తీవ్ర అసంతృప్తి వ్యక్తం చేస్తున్నారు. తమ పిల్లల ప్రాణాల కోసం ఇటువంటి ప్రమాదకర ప్రయాణాలు చేయాల్సిన పరిస్థితిని ఏర్పరిచిన అధికార నిర్లక్ష్యాన్ని తక్షణమే పరిష్కరించాలని గ్రామస్తులు కోరుతున్నారు.
Read More : వైఎస్ఆర్ ఘాట్కు జగన్ పర్యటన
One thought on “అల్లూరి జిల్లాలో గిరిజనుల ప్రాణపాయ ప్రయాణం”
Comments are closed.