తెలంగాణ ముఖ్యమంత్రి రేవంత్ రెడ్డి మరోసారి దేశ రాజధాని ఢిల్లీ పర్యటనకు సిద్ధమయ్యారు. ఆయన ఈ రాత్రి హైదరాబాద్ నుంచి ఢిల్లీకి బయలుదేరి రెండు రోజులు అక్కడే బస చేస్తారు. ఈ పర్యటనలో సీఎం పలు కీలక సమావేశాల్లో పాల్గొననున్నారు.
రేపు ముఖ్యమంత్రి రేవంత్ రెడ్డి, ఇంగ్లండ్ మాజీ ప్రధాని టోనీ బ్లెయిర్తో ముఖాముఖీ భేటీ కానున్నారు. ఈ సమావేశంలో ముఖ్యంగా రాష్ట్రానికి పెట్టుబడులు తీసుకురావడం, అభివృద్ధి సహకారంపై చర్చించనున్నారు. టోనీ బ్లెయిర్ ప్రస్తుతం ‘టోనీ బ్లెయిర్ ఇనిస్టిట్యూట్ ఆఫ్ గ్లోబల్ చేంజ్ (TBI)’కు నాయకత్వం వహిస్తున్నారు. ఈ అంతర్జాతీయ స్వచ్ఛంద సంస్థ వివిధ దేశాల్లో అభివృద్ధి ప్రాజెక్టుల్లో భాగస్వామ్యంగా ఉంటుంది. తెలంగాణలో కూడా ఆ సంస్థతో కలిసి పని చేసే అవకాశాలపై ఈ సమావేశంలో చర్చలు జరగనున్నాయి.
అంతేకాక, ఈ పర్యటనలో సీఎం రేవంత్ రెడ్డి కాంగ్రెస్ పార్టీ కేంద్ర నాయకత్వంతోనూ, కీలక మంత్రులతోనూ సమావేశమయ్యే అవకాశం ఉంది. రాష్ట్రంలో నామినేటెడ్ పదవుల భర్తీ, పెండింగ్లో ఉన్న సంస్థాగత వ్యవహారాలపై పార్టీ అధిష్టానంతో ఆయన సంప్రదింపులు జరిపే అవకాశం ఉందని సమాచారం.
కేంద్ర మంత్రులను కలిసి రాష్ట్రానికి మంజూరైన నిధులు, అభివృద్ధి ప్రాజెక్టుల ప్రగతిపై చర్చించి వినతులు సమర్పించనున్నట్లు తెలిసింది. సీఎం పదవి బాధ్యతలు స్వీకరించిన తర్వాత రేవంత్ రెడ్డి ఢిల్లీ పర్యటనలు తరచుగా జరుగుతున్నాయి. తాజా పర్యటనలోనూ రాష్ట్ర ప్రయోజనాలకు సంబంధించి కీలక నిర్ణయాలు వెలువడే అవకాశముంది.
Read More : బీఆర్ఎస్ ఎంపీటీసీ కుంటయ్య మృతదేహానికి కేటీఆర్ నివాళి.
One thought on “టోనీ బ్లెయిర్తో సమావేశం కోసం ఢిల్లీ వెళ్తున్న సీఎం.”
Comments are closed.