బలగం సినిమా ద్వారా డైరెక్టర్గా తన తొలి ప్రయత్నంలోనే సంచలన విజయం సాధించిన వేణు యెల్దండి, తన తదుపరి ప్రాజెక్ట్ను సిద్ధం చేసుకునే పనిలో బిజీగా ఉన్నాడు. కమేడియన్గా ప్రాచుర్యం పొందిన వేణు, బలగం సినిమా ద్వారా ఎమోషన్, సెన్సిటివిటీని సమర్థవంతంగా ఆవిష్కరించి ప్రేక్షకులను మెప్పించాడు. దిల్ రాజు బ్యానర్లో విడుదలైన ఈ చిత్రం బ్లాక్బస్టర్ విజయాన్ని అందుకొని వేణుకు విశేషమైన క్రేజ్ను తెచ్చిపెట్టింది. ఈ విజయం తర్వాత వేణు, దిల్ రాజు నిర్మాణంలోనే ‘ఎల్లమ్మ’ అనే కొత్త సినిమాను చేసేందుకు సిద్ధమయ్యాడు.
సినిమా కథను మొదట నానితో చేయాలని అనుకున్న వేణు, ఫైనల్ వెర్షన్ నానిని సంతృప్తిపర్చలేకపోవడంతో, అదే కథను నితిన్కు వినిపించి ఓకే చేయించుకున్నాడు. ప్రస్తుతం నితిన్ దిల్ రాజు బ్యానర్లో వేణు శ్రీరామ్ దర్శకత్వంలో ‘తమ్ముడు’ చిత్రంలో నటిస్తున్నాడు. ఈ సినిమా పూర్తయిన తర్వాత నితిన్ ‘ఎల్లమ్మ’ ప్రాజెక్ట్లో చేరనున్నారు.
ఈ క్రమంలో వేణు ఇటీవల సిరిసిల్ల, నిజామాబాద్, తెలంగాణలోని పలు ప్రాంతాలను సందర్శించాడు. ఈ పర్యటనలో స్టేజ్ ఆర్టిస్టులను ఎంపిక చేసి, నాటకాలు స్వయంగా చూసి, టాలెంట్ను గుర్తించే పనిని వేణు జరిపినట్లు సమాచారం.
వేణు, ‘ఎల్లమ్మ’తో దర్శకుడిగా మరో స్థాయికి వెళ్లాలని గట్టిగా సంకల్పించాడు. ఈ సినిమాకు సంబంధించిన ఏర్పాట్లను వేగంగా పూర్తి చేస్తున్నాడు. ప్రస్తుతం ‘రోబిన్హుడ్’ విజయాన్ని ఆస్వాదిస్తున్న నితిన్, ‘తమ్ముడు’ విడుదల అనంతరం వేణుతో కలిసి ‘ఎల్లమ్మ’ను సెట్స్ పైకి తీసుకెళ్లనున్నారు. వేణు బలగం తర్వాత మళ్ళీ మంత్ర ముగ్ధం చేసే కథను ప్రేక్షకులకు అందిస్తాడో చూడాలి.
One thought on “వేణు బలగం: ఎల్లమ్మ కోసం రంగం సిద్ధం!”
Comments are closed.