మంగళగిరి: మంగళగిరికి చెందిన స్కేటర్ జెస్సీరాజ్పై ఆంధ్రప్రదేశ్ ముఖ్యమంత్రి నారా చంద్రబాబు నాయుడు ప్రశంసలు కురిపించారు. తొమ్మిదేళ్ల వయసులోనే క్రీడా ప్రయాణాన్ని ప్రారంభించిన జెస్సీరాజ్ క్రీడల పట్ల ఉన్న అంకిత భావం వల్లే ఈ గౌరవం దక్కిందని సీఎం పేర్కొన్నారు.
జెస్సీరాజ్ ప్రతిభకు సీఎం ప్రశంసలు
అమరావతి: మంగళగిరికి చెందిన జెస్సీరాజ్ ప్రధానమంత్రి జాతీయ బాల పురస్కారం 2025కు ఎంపికైంది. ఈ సందర్భంగా ఆంధ్రప్రదేశ్ ముఖ్యమంత్రి చంద్రబాబు నాయుడు ట్విట్టర్(ఎక్స్) ద్వారా స్పందిస్తూ, ఆమె క్రీడారంగంలో చూపిన అద్భుత ప్రతిభకు ఈ అవార్డు అందించడం గర్వకారణమని అన్నారు. రాష్ట్రపతి ద్రౌపది ముర్ము చేతుల మీదుగా జెస్సీరాజ్ ఈ అవార్డును అందుకోనున్నారని తెలిపారు.
తొమ్మిదేళ్ల వయసులోనే క్రీడా ప్రయాణం ప్రారంభించిన జెస్సీరాజ్ సిల్వర్ మెడల్ సాధించిన 62వ జాతీయ రోలర్ స్కేటింగ్ చాంపియన్ షిప్లో కనబరిచిన ప్రతిభను సీఎం గుర్తు చేశారు. రాష్ట్రంలోని యువ క్రీడాకారులకు జెస్సీరాజ్ ఆదర్శంగా నిలుస్తుందని అభినందించారు.
మంత్రి మండిపల్లి రాంప్రసాద్ రెడ్డి అభినందనలు
స్కేటింగ్లో అత్యుత్తమ ప్రతిభ చూపిన జెస్సీరాజ్ కోసం మంత్రి మండిపల్లి రాంప్రసాద్ రెడ్డి ప్రశంసలు వ్యక్తం చేశారు. ఈ నెల 26న ఢిల్లీలో రాష్ట్రపతి ద్రౌపది ముర్ము చేతుల మీదుగా జెస్సీరాజ్ ప్రధానమంత్రి రాష్ట్రీయ బాల పురస్కారాన్ని అందుకోనున్నారని తెలిపారు.
జెస్సీరాజ్ కృషికి, అంకిత భావానికి ప్రభుత్వం ఎల్లప్పుడూ మద్దతుగా నిలుస్తుందని, జెస్సీరాజ్ మరింత ఉన్నత శిఖరాలను అధిరోహించాలని మంత్రి ఆకాంక్షించారు.
