ఆంధ్రప్రదేశ్ మాజీ ముఖ్యమంత్రి, ప్రజల మనసుల్లో చిరస్థాయిగా నిలిచిన దివంగత నేత డాక్టర్ వైఎస్ రాజశేఖరరెడ్డి 76వ జయంతిని మంగళవారం రాష్ట్రవ్యాప్తంగా ఘనంగా నిర్వహిస్తున్నారు. ఈ సందర్భంగా ఆయన కుమారుడు, వైఎస్ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డి కుటుంబ సభ్యులతో కలిసి కడప జిల్లా ఇడుపులపాయలోని వైఎస్సార్ ఘాట్ను సందర్శించారు. ఉదయం ఘాట్ వద్దకు చేరుకున్న జగన్, తండ్రి సమాధిపై పుష్పగుచ్ఛం ఉంచి శ్రద్ధాంజలి ఘటించారు. అనంతరం నిర్వహించిన ప్రత్యేక ప్రార్థనల్లో జగన్ తల్లి వైఎస్ విజయమ్మతో కలిసి పాల్గొన్నారు. ఈ సందర్భంగా విజయమ్మ కుమారుడిని ఆశీర్వదించగా, ఇద్దరి మధ్య ఆప్యాయతాభరిత ముద్దు సన్నివేశం చోటుచేసుకుంది. ఈ కార్యక్రమంలో వైఎస్ కుటుంబ సభ్యులతో పాటు ఉమ్మడి కడప జిల్లాకు చెందిన వైసీపీ ముఖ్య నేతలు, కార్యకర్తలు, అభిమానులు భారీగా పాల్గొన్నారు. ఘాట్ వద్దకి తరలివచ్చిన వారు వైఎస్సార్ సేవలను గుర్తు చేసుకుంటూ, ఆయనకు ఘన నివాళులు అర్పించారు.
వైఎస్సార్ ప్రజా జీవితానికి చేసిన త్యాగాలు, సంక్షేమ పథకాలు, ప్రజల మధ్య ఆయన్ను “మానవ దేవుడు”గా నిలిపిన సేవలను పలువురు నేతలు గుర్తుచేసుకున్నారు. రాష్ట్రవ్యాప్తంగా వైఎస్సార్ జయంతి సందర్భంగా నివాళుల కార్యక్రమాలు జరుగుతున్నాయి.
Read More : బిటెక్ రవి ఆగ్రహం: “వైసీపీ నేతలు సంస్కృతి మరిచారు”
One thought on “వైఎస్సార్ 76వ జయంతి… ఇడుపులపాయలో జగన్ నివాళి”
Comments are closed.