అమెరికా సుప్రీంకోర్టు తీర్పుపై ట్రంప్ ఆగ్రహం

అమెరికా మాజీ అధ్యక్షుడు డొనాల్డ్ ట్రంప్ తాజాగా సుప్రీంకోర్టు తీర్పుపై తీవ్ర అసంతృప్తి వ్యక్తం చేశారు. అక్రమ వలసదారుల బహిష్కరణకు సంబంధించి వెలువడిన న్యాయ తీర్పును ఖండిస్తూ, ఆయన ‘ట్రూత్ సోషల్’ వేదికగా ఘాటుగా స్పందించారు.

వివరాల్లోకి వెళితే, వెనెజులాకు చెందిన ఓ ముఠాను అమెరికా నుంచి బహిష్కరించేందుకు ట్రంప్ తీసుకున్న చర్యలకు సుప్రీంకోర్టు అడ్డుపడింది. ఈ సందర్భంగా ట్రంప్ స్పందిస్తూ – “మన దేశంలోకి చట్టవిరుద్ధంగా ప్రవేశించిన వలసదారులను బలవంతంగా వెనక్కి పంపించకుండా సుప్రీంకోర్టు అడ్డుపడింది. ఇలాంటి వారిలో మాదకద్రవ్యాల దందాబాజులు, హంతకులు, ఇతర నేరస్తులు ఉన్నారు. ఇప్పుడు వారికి చట్టపరమైన రక్షణ కలిగించడం ద్వారా అమెరికా జనాలకు ప్రమాదం తప్పద” అని వ్యాఖ్యానించారు.

ఈ తీర్పు దేశ భద్రతకు గండిపెడుతుందంటూ ట్రంప్ ఆరోపించారు. “ఈ నిర్ణయం మరింతమంది నేరగాళ్లను మన దేశంలోకి అక్రమంగా రావడానికి ఉత్సాహపరుస్తుంది. బైడెన్ పాలనలో లక్షల మంది నేరస్తులు అమెరికాలోకి అక్రమంగా ప్రవేశించారు. ఇక ఇప్పుడు వారిని బయటకు పంపించడానికి ఎంతో కాలం పట్టనుంది. ఈ తీర్పు అమెరికా కోసం అత్యంత ప్రమాదకరమైన రోజు” అని ఆవేదన వ్యక్తం చేశారు.

గతంలో ట్రంప్ 1798లో రూపొందిన ‘Alien Enemies Act’ ఆధారంగా చర్యలు తీసుకున్నారు. అయితే, ఈ చర్యలను సుప్రీంకోర్టు నిరాకరించి, బహిష్కరణకు గురైనవారికి తమకు ఎదురైన చర్యలపై చట్టబద్ధంగా పోరాడేందుకు తగిన అవకాశం ఇవ్వాలన్న తీర్పు వెలువరించింది. అదే ఇప్పుడు ట్రంప్ ఆగ్రహానికి కారణమైంది.

Read More : పాకిస్తాన్‌పై భారత దాడుల ప్రభావం వెలుగులోకి !