తెలంగాణలో మద్యం ప్రియులకు షాక్

తెలంగాణలో మద్యం ప్రేమికులకు ఇది కాస్త అసహనకరమైన వార్తే చెప్పాలి. రాష్ట్రంలో మద్యం ధరలు పెరిగాయి. మద్యం బాటిళ్లపై ప్రభుత్వం ధరలను సవరించిన నేపథ్యంలో నూతన రేట్లు అమల్లోకి వచ్చాయి.

తాజా పెంపు ప్రకారం:

• క్వార్టర్ బాటిల్‌పై రూ.10 పెంపు
• హాఫ్ బాటిల్‌పై రూ.20 పెంపు
• ఫుల్ బాటిల్‌పై రూ.40 వరకు పెంపు అమలులోకి వచ్చింది

ఈ పెంపుతో మద్యం కొనుగోలుదారులపై భారం పడనుండగా, ప్రభుత్వ ఆదాయం పెరిగే అవకాశం ఉంది. ముఖ్యంగా ఆదాయ వనరుల పెంపు దిశగా రాష్ట్ర ప్రభుత్వం ఈ నిర్ణయం తీసుకున్నట్లు సమాచారం.

ఇప్పటికే పెరిగిన దినసరి ఖర్చులతో సామాన్యుడు ఇబ్బంది పడుతుండగా, ఇప్పుడు మద్యం ధరల పెంపుతో మద్యం సేవించే వారు మరింత నిరాశకు లోనవుతున్నారు. కాగా, ఈ ధరల పెంపు రాష్ట్రవ్యాప్తంగా మద్యం షాపుల్లో అమలులోకి వచ్చినట్టు అధికార వర్గాలు వెల్లడించాయి.

Read More : హైడ్రా అక్రమ నిర్మాణాలపై భారీ కూల్చివేతలు.