హైదరాబాద్ పాతబస్తీలోని గుల్జార్హౌస్లో మే 18వ తేదీ ఉదయం జరిగిన అగ్నిప్రమాదం రాష్ట్రాన్ని కన్నీటి ముంగిటకు తీసుకువచ్చింది. ఈ ఘోర ఘటనలో 17 మంది ప్రాణాలు కోల్పోయిన విషాద ఘటనపై రాష్ట్రవ్యాప్తంగా తీవ్ర దిగ్భ్రాంతి వ్యక్తమవుతోంది.
ఈ నేపథ్యంలో సోమవారం బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ సంఘటనా స్థలాన్ని సందర్శించారు. అగ్నిప్రమాద బాధితుల కుటుంబాలను పరామర్శించి, వారికి ధైర్యం చెప్పారు. మృతులకు నివాళులర్పిస్తూ రెండు నిమిషాల పాటు మౌనం పాటించారు. అనంతరం ఆయన మీడియాతో మాట్లాడుతూ… ఈ ఘటనపై రాజకీయాలు చేయడం తన ఉద్దేశం కాదని, బాధిత కుటుంబాలకు న్యాయం జరిగేలా చూడడమే ముఖ్యమని అన్నారు.
రాష్ట్ర ప్రభుత్వం ప్రజల ప్రాణాలను కాపాడేందుకు తగిన చర్యలు తీసుకోవాలని ఆయన హితవు పలికారు. “రేవంత్ రెడ్డి ప్రభుత్వం అందాల పోటీల మీదే కాకుండా, అగ్నిప్రమాదాలపై కూడా ఫోకస్ పెట్టాలి. మరిన్ని ప్రాణాలు కోల్పోకుండా వెంటనే సమగ్ర చర్యలు తీసుకోవాలి” అని సూచించారు.
అగ్నిప్రమాదంలో మృతి చెందిన కుటుంబాలకు రాష్ట్ర ప్రభుత్వం ప్రకటించిన రూ.5 లక్షల ఎక్స్గ్రేషియా తక్కువగా ఉందని పేర్కొంటూ, అన్ని కోణాల్లో దృష్టిపెట్టి కనీసం రూ.25 లక్షల పరిహారం ఇవ్వాలని డిమాండ్ చేశారు. ముఖ్యమంత్రి వద్దే హోంమంత్రిత్వ శాఖ ఉన్న నేపథ్యంలో, ఆయన తక్షణమే సంఘటన స్థలాన్ని సందర్శించి అధికారులు మరింత చురుగ్గా పని చేయేలా చేయాల్సిన అవసరం ఉందన్నారు.
వేసవి దృష్ట్యా అగ్నిప్రమాదాల నివారణకు ఫైర్ సిబ్బందితో ప్రత్యేక సమీక్షలు నిర్వహించాలని, ఫైర్ ఇంజిన్లకు సమర్థవంతంగా నీటి సరఫరా ఉండేలా చర్యలు తీసుకోవాలని సూచించారు. సంఘటన జరిగిన సమయంలో ఫైర్ ఇంజిన్లు వచ్చినా వాటర్ లేకపోవడం బాధితులు చెబుతున్నారని గుర్తు చేశారు.
అగ్నిమాపక సిబ్బందికి సరైన మాస్కులు, అత్యవసర సేవలకోసం అంబులెన్స్లో ఆక్సిజన్ సిలిండర్లు ఉండకపోవడం గమనించదగిన అంశమని విమర్శించారు. ఇది హైదరాబాద్ చరిత్రలోనే అతిపెద్ద అగ్నిప్రమాదాల్లో ఒకటిగా గుర్తుంచాల్సిన ఘటనగా అభివర్ణించారు. బాధిత కుటుంబాలు పడుతున్న తల్లడిలిన దృష్టిలో ఉంచుకొని ప్రభుత్వం వెంటనే స్పందించాలని కేటీఆర్ విజ్ఞప్తి చేశారు.
Read More : తెలంగాణలో మద్యం ప్రియులకు షాక్
One thought on “హైదరాబాద్ అగ్నిప్రమాదంపై కేటీఆర్ స్పందన.”
Comments are closed.