తెలంగాణ హైకోర్టు బుధవారం గ్రూప్ 1 పరీక్షపై పిటిషన్ దాఖలు చేసిన టీజీపీఎస్సీ (TGPSC) యొక్క అప్పీల్పై విచారణ జరిపింది. ఈ విచారణ సింగిల్ బెంచ్ ఇచ్చిన మధ్యంతర ఉత్తర్వులపై టీజీపీఎస్సీ సవాల్ చేసిన నేపథ్యంలో జరిగింది. గతంలో సింగిల్ బెంచ్ గ్రూప్ 1 అభ్యర్థుల నియామకంపై స్టే విధించినట్లు కోర్టు తెలిపింది. అలాగే, విచారణ పూర్తయ్యే వరకు నియామక పత్రాలు ఇవ్వొద్దని టీజీపీఎస్సీకి ఆదేశాలు ఇచ్చింది.
ఈ వివాదంపై విచారణ చేపట్టిన డివిజన్ బెంచ్, సింగిల్ బెంచ్ మళ్లీ విచారణ జరపాలని ఆదేశించింది. అలాగే, వేసవి సెలవులకు ముందు గ్రూప్ 1 నియామకాలపై తుది ఆదేశాలు ఇవ్వాలని సింగిల్ బెంచ్కు హైకోర్టు సూచించింది.
గ్రూప్ 1 నియామక ప్రక్రియపై కొందరు అభ్యర్థులు అక్రమాలు జరిగాయంటూ కోర్టును ఆశ్రయించడంతో, నియామక ప్రక్రియకు అంతరాయం ఏర్పడింది. టీజీపీఎస్సీ ఈ మధ్యంతర ఉత్తర్వులను నిలిపివేయాలని కోరుతూ అప్పీల్ పిటిషన్ దాఖలు చేసింది.
అందులో భాగంగా, జస్టిస్ నామవరపు రాజేశ్వరరావు ధర్మాసనం నియామకాలను తాత్కాలికంగా నిలిపివేయాలని మధ్యంతర ఉత్తర్వులు జారీ చేసింది.
Read More : ఉస్మానియా ఆసుపత్రిలో అరుదైన శస్త్ర చికిత్స: దేశంలో తొలిసారి చిన్న ప్రేగు మార్పిడి!
One thought on “తెలంగాణ హైకోర్టులో గ్రూప్ 1 పరీక్షపై విచారణ”
Comments are closed.