హైదరాబాద్లోని నిజాంపేట్ హోలిస్టిక్ ఆసుపత్రిలో చికిత్స పొందుతున్న ప్రముఖ గాయని కల్పన ఆరోగ్య పరిస్థితిపై సింగర్ సునీత స్పందించారు. ప్రస్తుతం ఐసీయూలో చికిత్స పొందుతున్న కల్పన ఆరోగ్య పరిస్థితి స్థిరంగా ఉందని, ఆమె త్వరలో కోలుకోవాలని భగవంతుడిని ప్రార్థిస్తున్నట్లు తెలిపారు.
సింగర్ సునీత మాట్లాడుతూ, “కల్పన ప్రస్తుతం ఐసీయూలో చికిత్స పొందుతోంది. డాక్టర్లు ఆమె ఆరోగ్య పరిస్థితిని నిశితంగా పరిశీలిస్తున్నారు. త్వరలోనే ఆమె పూర్తిగా కోలుకొని, సాధారణ జీవితం సాగించాలని మనసారా కోరుకుంటున్నాను” అని తెలిపారు.
కల్పన ఆరోగ్య సమాచారం తెలుసుకునేందుకు పలువురు ప్రముఖులు ఆసుపత్రికి వచ్చారు. సింగర్లు కారుణ్య, శ్రీకృష్ణ, గీతామాధురి కల్పనను పరామర్శించేందుకు ఆసుపత్రికి వెళ్లారు. అనంతరం సునీతతో కలిసి ఆసుపత్రి నుంచి వారు వెళ్లిపోయారు.
కల్పన ఆరోగ్యం త్వరగా మెరుగవ్వాలని ఆమె అభిమానులు, కుటుంబసభ్యులు ఆకాంక్షిస్తున్నారు. డాక్టర్లు తగినంత వైద్యసేవలు అందిస్తున్నారని, త్వరలోనే ఆమె పూర్తిగా కోలుకుంటారన్న నమ్మకం ఉందని చెప్పారు.
One thought on “సింగర్ కల్పన ఆరోగ్య పరిస్థితి నిలకడగా – ఆసుపత్రిలో సందర్శించిన సింగర్ సునీత”
Comments are closed.