శాంసంగ్ నుంచి కొత్త పవర్ఫుల్ స్మార్ట్‌ఫోన్

ప్రముఖ ఎలక్ట్రానిక్స్ సంస్థ శాంసంగ్ తన గెలాక్సీ ఎస్ సిరీస్‌లో మరో సరికొత్త మోడల్‌ను మార్కెట్లోకి విడుదల చేసింది. గెలాక్సీ ఎస్25 ఎడ్జ్ పేరిట విడుదలైన ఈ స్మార్ట్‌ఫోన్‌ సన్నని డిజైన్, అధునాతన ఫీచర్లతో టెక్ ప్రియులను ఆకట్టుకుంటోంది. ఇప్పటికే ఎస్25 సిరీస్‌లో పలు వేరియంట్లను ప్రవేశపెట్టిన శాంసంగ్, తాజాగా ఈ ఎడ్జ్ మోడల్‌తో మరింత ఆకర్షణ పెంచింది.

ముఖ్యాంశాలు:

ఈ ఫోన్ కేవలం 5.8 మిల్లీమీటర్ల మందంతో మార్కెట్లో అందుబాటులోకి రానుంది. ఇది మార్కెట్లో లభ్యమవుతున్న అత్యంత సన్నని ఫోన్‌లలో ఒకటిగా నిలవనుంది. 6.7 అంగుళాల క్వాడ్ హెచ్‌డీ+ ఇన్ఫినిటీ-O డైనమిక్ అమోలెడ్ 2ఎక్స్ డిస్‌ప్లేను కలిగి ఉంది. 120Hz రిఫ్రెష్ రేట్, కార్నింగ్ గొరిల్లా గ్లాస్ సిరామిక్ 2 ప్రొటెక్షన్‌తో మరింత మన్నికతో పాటు IP68 వాటర్‌, డస్ట్ రెసిస్టెన్స్ లభిస్తుంది.

శక్తివంతమైన ప్రాసెసింగ్:

ఈ ఫోన్‌లో శాంసంగ్ స్నాప్‌డ్రాగన్ 8 ఎలైట్ చిప్‌సెట్‌ను ఉపయోగించింది. ఇది ఆండ్రాయిడ్ 15 ఆధారిత వన్‌యూఐ 7 తో పనిచేస్తుంది. కెమెరా పరంగా చూస్తే, 200 మెగాపిక్సెల్ ప్రధాన కెమెరా, 12 ఎంపీ అల్ట్రా వైడ్ కెమెరా కలిగిన డ్యూయల్ రియర్ కెమెరా సెటప్, ముందు భాగంలో 12 మెగాపిక్సెల్ సెల్ఫీ కెమెరా ఉంది.

బ్యాటరీ & ఛార్జింగ్:

ఈ ఫోన్‌లో 3,900mAh బ్యాటరీ ఉండగా, 25W వైర్డ్ ఛార్జింగ్ సపోర్ట్ ఉంటుంది. దీని బరువు తక్కువగా ఉండటంతో పాటు పట్టు ఉండేలా రూపొందించారు.

ధర & లభ్యత:

• 12GB+256GB వేరియంట్ ధర: ₹1,09,999
• 12GB+512GB వేరియంట్‌ కూడా అందుబాటులో ఉంది.
• పరిమిత కాల ఆఫర్‌లో 512GB వేరియంట్‌ను అదే ధరకు పొందే అవకాశం ఉంది.

ఈ ఫోన్ టైటానియం ఐసీబ్లూ, టైటానియం జెట్ బ్లాక్, టైటానియం సిల్వర్ రంగుల్లో లభించనుంది. వైఫై 7, బ్లూటూత్ 5.4, యూఎస్‌బీ టైప్-సీ వంటి ఆధునిక కనెక్టివిటీ ఫీచర్లతో వస్తోంది.

మే 13 నుంచి ప్రీ-బుకింగ్‌లు ప్రారంభమవుతాయని శాంసంగ్ ప్రకటించింది. కొత్తగా స్మార్ట్‌ఫోన్ కొనాలనుకుంటున్నవారికి గెలాక్సీ ఎస్25 ఎడ్జ్ మంచి ఎంపికగా నిలవనుంది.

Read More : దాదాపు పదిేళ్ల తర్వాత డిజైన్‌ మార్పు.