హీరోయిన్గా సినిమాల్లో స్థిరపడాలంటే కేవలం అందం లేదా అభినయం మాత్రమె కాకుండా అదృష్టం కూడా అవసరమే. ఎందరో ప్రతిభావంతులు ఉన్నా అవకాశాల కోసం ఎదురు చూస్తున్నారు. కానీ కొన్ని అరుదైన సందర్భాల్లో ఒక్క చిన్న మెసేజ్ కెరీర్ను మలుపు తిప్పగలదు. అలాంటి అదృష్టవంతురాలిగా గుర్తింపు పొందింది కన్నడ భామ రుక్మిణీ వసంత్.
సమీప కాలంలో “సప్త సగరాలు దాటి” అనే కన్నడ సినిమా ద్వారా తెలుగువారికి పరిచయమైన రుక్మిణీ, ఆ సినిమాతోనే మంచి గుర్తింపు తెచ్చుకుంది. ఆమెకి ఆ అవకాశం ఎలా వచ్చిందో తల్చుకుంటే ఆశ్చర్యమే. ఆ చిత్ర దర్శకుడు రిలీజ్ చేసిన ప్రకటన పేపర్ చూసి, ఆయనకు ఒక్క మెసేజ్ పంపిందట రుక్మిణీ. “అనుమతి ఉంటే ఆడిషన్లో పాల్గొనాలనుకుంటున్నాను” అనే ఆ సందేశానికి తాను నటనకు ఆసక్తిగా ఉన్నానని చెప్పిందట. దర్శకుడు వెంటనే స్పందించి ఆమెకు ఛాన్స్ ఇచ్చారు.
ఆ సమయంలో ఆ మెసేజ్ దర్శకుడికి కనిపించకపోయి ఉంటే తనకు ఆ అవకాశం లభించేదే కాదని రుక్మిణీ పేర్కొంది. ఇదే నిజమైన అదృష్టమని ఆమె భావిస్తోంది. అయితే, అదృష్టం మాత్రమే కాదు.. తొలి సినిమాతోనే తాను టాలెంట్ను నిరూపించుకోగలిగిందని చెబుతోంది.
ప్రస్తుతం ఈ బ్యూటీ పాన్ ఇండియా స్థాయిలో అవకాశాలు అందుకుంటోంది. యంగ్ టైగర్ ఎన్టీఆర్ సరసన ప్రశాంత్ నీల్ దర్శకత్వంలో తెరకెక్కుతోన్న భారీ చిత్రం డ్రాగన్లో హీరోయిన్గా నటిస్తోంది. అలాగే మురుగదాస్ దర్శకత్వంలో తెరకెక్కుతున్న మదరాసి చిత్రంలోనూ ఆమెకి ప్రధాన పాత్ర దక్కింది. విజయ్ సేతుపతితో జంటగా నటించే “ఏస్” అనే మరో చిత్రంలోనూ ఆమె నటిస్తోంది.
ఇన్ని అవకాశాలు రావడం వెనుక ఆమె టాలెంట్, సమయస్పూర్తి, అదృష్టం మూడు కలిసి పనిచేశాయని సినీ విశ్లేషకులు అభిప్రాయపడుతున్నారు. రుక్మిణీ వసంత్ ప్రస్తుతం సౌత్ ఇండియన్ సినీ ఇండస్ట్రీలో రైజింగ్ స్టార్గా పేరు తెచ్చుకుంటోంది.
Read More : స్పిరిట్ సినిమా కథ లీక్ :
One thought on “అదృష్టాన్ని వడ్డింపుగా మార్చుకున్న రుక్మిణీ వసంత్..”
Comments are closed.