ప్రియదర్శి పులికొండ తన కెరీర్లో కీలకమైన అడుగులు వేస్తూ, హీరోగా కూడా మంచి గుర్తింపు పొందుతున్నాడు. వరుసగా విజయాలు సాధిస్తున్న ప్రియదర్శి, ఇటీవల ‘కోర్టు’ సినిమాలో నటనతో మంచి గుర్తింపు అందుకున్నాడు. ఈ సినిమా విడుదలైనప్పటి నుంచి ఆయన నటనకు ప్రశంసలు వెల్లువెత్తుతున్నాయి.
ఇప్పటికే ‘కోర్టు’ సినిమాతో సూపర్ హిట్ సాధించిన ప్రియదర్శి, తాజాగా ‘సారంగ పాణి జాతకం’ అనే సినిమా తో ప్రేక్షకుల ముందుకు వచ్చాడు. ఈ చిత్రం కూడా విడుదలైన తొలి రోజు నుంచే సూపర్ హిట్ టాక్ తెచ్చుకుంది. మోహనకృష్ణ ఇంద్రగంటి దర్శకత్వంలో ఈ సినిమా విడుదలైంది. ప్రియదర్శి నటనను పలువురు ప్రముఖులు మెచ్చుకుంటున్నారు.
తాజాగా, ఈ సినిమాలో ప్రియదర్శి నటనను చూసిన కోలీవుడ్ స్టార్ దంపతులు సూర్య మరియు జ్యోతిక అతన్ని ప్రశంసిస్తూ ఓ సర్ ప్రైజ్ గిఫ్ట్ పంపించారు. ఫ్లవర్ బొకే తో పాటు ఒక చిన్న లెటర్ను ప్రియదర్శికి పంపిన ఈ లవ్లీ కపుల్, అతని నటనను అభినందించారు.
ప్రియదర్శి, ఈ ప్రత్యేక గిఫ్ట్ను తన సోషల్ మీడియా ద్వారా అభిమానులతో పంచుకుని, “మీరు పంపిన ప్రేమ నాకు ఎంతో ప్రేరణ ఇచ్చింది” అని తెలిపాడు. ఈ సంతోషాన్ని మాటల్లో వర్ణించలేను” అని ఎక్స్ప్రెస్ చేసిన ప్రియదర్శి, సూర్య-జ్యోతికలకు కృతజ్ఞతలు తెలియజేశాడు.
One thought on “ప్రియదర్శి పులికొండ: స్టార్ దంపతుల నుంచి సర్ ప్రైజ్ గిఫ్ట్”
Comments are closed.