‘డార్లింగ్’ ప్రభాస్ను ఇష్టపడనివారు, అభిమానించనివారు ఎవరుంటారు? అతనితో ఒక్కసారి పని చేస్తే, ఆయన సింప్లిసిటీ, ప్రేమ పంచే విధానం, సహజమైన వ్యక్తిత్వం అనుభవంలోకి వస్తాయి. సహజంగా, ప్రభాస్తో కలిసి పని చేసిన హీరోయిన్లు ఆయనను ఆకాశమే హద్దుగా పొగుడుతుంటారు.
ప్రభాస్ సెట్స్లో చాలా కూల్ అండ్ కామ్గా ఉంటాడు. అంతేకాదు, తన సహనటీనటులకు ప్రేమను పంచడం, వాటిని వ్యక్తపరచడంలో ఆయనకు ఒక ప్రత్యేకమైన శైలి ఉంది. అందుకే, ఆయనతో పని చేసినవారు తరచూ ఆయన గురించి గొప్పగా మాట్లాడుతుంటారు.
ఇటీవల, మాళవిక మోహనన్ ప్రభాస్ గురించి ప్రత్యేకంగా స్పందించింది. ప్రభాస్ సెట్స్లో ఎలా ఉంటాడో, సహ నటీనటుల్ని ఎలా ట్రీట్ చేస్తాడో పేజీలు పేజీలు రాసుకోవాలనిపించేదని చెప్పింది. అతనితో కలిసి నటించడం తన కెరీర్లో ఓ గొప్ప మైలు రాయిగా నిలిచిందని తెలిపింది. ముఖ్యంగా, ప్రభాస్ తన సహనటీనటులకు స్వయంగా వండిన వంటకాల గురించి మాళవిక చాలా ఇష్టంగా గుర్తు చేసుకుంది.
ప్రస్తుతం ప్రభాస్, మాళవిక మోహనన్ జంటగా నటిస్తున్న సినిమా ‘రాజా సాబ్’. మారుతి దర్శకత్వంలో తెరకెక్కుతున్న ఈ సినిమా షూటింగ్ క్లైమాక్స్కు చేరుకుంది. సమ్మర్ తర్వాత విడుదలకు సన్నాహాలు జరుగుతున్నాయి. ఈ చిత్రంలో నిధి అగర్వాల్ కూడా ఓ ప్రధాన హీరోయిన్గా నటిస్తోంది. అలాగే, రిధి కుమార్ మరో కీలక పాత్రలో కనిపించనుంది.
అయితే, ఇప్పటి వరకు నిధి అగర్వాల్ మాత్రం ప్రభాస్ వంటకాల గురించి, ఆయన చూపించే ప్రత్యేకమైన అభిమానంపై ఎక్కడా స్పందించలేదు. మాళవికకు లభించిన ఈ ప్రత్యేక అనుభవం నిధికి ఎందుకు రాలేదో అనే చర్చ ఇప్పుడు జరుగుతోంది. మరి, నిధి కూడా త్వరలో ప్రభాస్ ఫుడ్ లవ్ గురించి ఏమైనా షేర్ చేసుకుంటుందా? అనేది చూడాలి!
One thought on “ప్రభాస్ ఫుడ్ లవ్ పై మాళవిక ఫిదా.. నిధి అగర్వాల్కు ఇంకా ఆ ఛాన్స్ రాలేదా?”
Comments are closed.