టీటీడీ ఛైర్మన్పై అభ్యంతరకర వ్యాఖ్యలు చేశారంటూ సినీ నటుడు పోసాని కృష్ణమురళిపై నమోదు చేసిన కేసు వ్యవహారంలో పోలీసులు అనుసరిస్తున్న తీరుపై ఆంధ్రప్రదేశ్ హైకోర్టు తీవ్ర అసంతృప్తి వ్యక్తం చేసింది. ఈ కేసులో సెక్షన్ 111 చేర్చడాన్ని కోర్టు ప్రశ్నించింది. ఈ విధంగా నేరుగా చర్యలు తీసుకోవడం చట్ట విరుద్ధమని, ముందుగా క్రిమినల్ ప్రొసీజర్ కోడ్ (CrPC) 35(3) ప్రకారం నోటీసులు జారీ చేసి వివరణ కోరాల్సిందిగా తాము ఇప్పటికే ఆదేశించిన విషయాన్ని గుర్తు చేసింది.
కోర్టు ఆదేశాలను పట్టించుకోకుండా స్వేచ్ఛాగా వ్యవహరించినట్లు కనిపిస్తున్న సూళ్లూరుపేట సీఐపై హైకోర్టు తీవ్రంగా స్పందించింది. ఈ నేపథ్యంలో ఆయన్ను ధిక్కరించినందుకు సంబంధించి నోటీసులు జారీ చేస్తూ తదుపరి విచారణకు హాజరు కావాలని ఆదేశించింది. పోలీసు వ్యవస్థ ప్రజల పట్ల బాధ్యతాయుతంగా, చట్టపరంగా వ్యవహరించాల్సిన అవసరముందని హైకోర్టు స్పష్టం చేసింది.
Read More : జగన్ భద్రతపై మంత్రి నిమ్మల రామానాయుడు విమర్శలు..
