డిప్యూటీ సీఎం పవన్ కళ్యాణ్ అరుదుగా సోషల్ మీడియాలో ఏదైనా పోస్టు చేసే వ్యక్తి. అయితే తాజాగా అభిమానులను ఆశ్చర్యపరుస్తూ ఓ హృదయానికి హత్తుకునే విషయాన్ని పంచుకున్నారు. 34 ఏళ్ల తర్వాత తన పాత కరాటే సీనియర్ రెన్షి రాజాను కలిసిన అనుభూతిని వ్యక్తం చేశారు. 1990వ దశకంలో పవన్ కళ్యాణ్ తమిళనాడులో శిహాన్ హుస్సైనీ శిక్షణలో కరాటే నేర్చుకున్నారు. ఆ సమయంలో రాజా ఇప్పటికే బ్లాక్ బెల్ట్ హోదాలో ఉండగా, పవన్ మాత్రం గ్రీన్ బెల్ట్ విద్యార్థి. ఇప్పుడు రాజా అదే కరాటే పాఠశాలను నడుపుతూ తమ గురువు వారసత్వాన్ని కొనసాగిస్తున్నారని పవన్ కళ్యాణ్ గర్వంగా తెలిపారు.
రెన్షి రాజాతో మళ్లీ కలవడం, తమ శిక్షణ రోజుల జ్ఞాపకాలను గుర్తు చేసుకోవడం ఎంతో ఆనందాన్నిచ్చిందని పవన్ భావోద్వేగంగా రాశారు. ఇద్దరూ మార్షల్ ఆర్ట్స్పై ఉన్న ప్రేమను మళ్లీ పంచుకున్నారని చెప్పారు. వారి రీయూనియన్ ఫొటో సోషల్ మీడియాలో వైరల్ అవుతోంది. ఇప్పటికే నాలుగు లక్షలకుపైగా లైకులు రావడం విశేషం. పవన్ కళ్యాణ్లోని యోధుడు, మార్షల్ ఆర్టిస్ట్ వైపు చూడడం అభిమానులను ఆనందపరిచింది.
ఇటీవల పవన్ కళ్యాణ్ “హరి హర వీర మల్లుం” సినిమాలో తన మార్షల్ ఆర్ట్స్ ప్రతిభను ప్రదర్శించారు. ఆయన తదుపరి చిత్రం “OG” ఇప్పటికే భారీ హైప్ సృష్టించుకుని బాక్సాఫీస్ వద్ద భారీ విజయాన్ని సాధించే అవకాశాలున్నట్లు ఫిలింనగర్ వర్గాలు చెబుతున్నాయి.
Read More : తెలుగు ఫిలింఛాంబర్లో ఉద్రిక్తత
One thought on “పవన్ కళ్యాణ్కి 34 ఏళ్ల తర్వాత కరాటే సీనియర్తో మళ్లీ కలయిక”
Comments are closed.