బీహార్లో జరిగిన బహిరంగ సభలో ఎంఐఎం అధ్యక్షుడు అసదుద్దీన్ ఒవైసీ యువతకు కీలక సూచనలు చేశారు. సోషల్ మీడియా రీల్స్ వినియోగం వలన యువత ఉత్పాదకత దెబ్బతింటోందని వ్యాఖ్యానించిన ఒవైసీ… వారి శక్తిని విద్య, నైపుణ్యాలు, సామాజిక సేవల దిశగా వినియోగించాలని పిలుపునిచ్చారు. పాట్నాలో నిర్వహించిన సభలో మాట్లాడుతూ, “రీలో చూడడం లేదా తయారు చేయడం కేవలం సమయాన్ని వృథా చేయడమే కాదు, అది యువత దృష్టి, లక్ష్యాలను దెబ్బతీస్తోంది. సోషల్ మీడియా ఓ శక్తివంతమైన సాధనం అయినా, దాని అతివినియోగం భవిష్యత్తుపై ప్రతికూల ప్రభావం చూపుతుంది” అని హెచ్చరించారు. అదే సమయంలో బీహార్లో ఎన్నికల సంఘం చేపట్టిన ఓటర్ల జాబితా సవరణ ప్రక్రియపై కూడా స్పందించారు. ఇది ప్రజాస్వామ్యాన్ని బలోపేతం చేసే ముఖ్యమైన ప్రక్రియగా అభివర్ణిస్తూ, అర్హులైన ప్రతి ఒక్కరు ఓటర్ల జాబితాలో తప్పనిసరిగా ఉండాలన్నారు.
“ఓటు హక్కు వినియోగించుకోండి. మీ ఓటు మీ గొంతు. రాజకీయాల్లో చురుకుగా పాల్గొనడం ద్వారా మీరు మీ భవిష్యత్తును తీర్చిదిద్దుకోవచ్చు” అంటూ యువతకు పిలుపునిచ్చారు. బీహార్ ఎన్నికల సంఘం ప్రకటించిన ప్రకారం, ఓటర్ల జాబితా సవరణ ప్రక్రియ ఆగస్టు నాటికి పూర్తవుతుందని తెలుస్తోంది. ఒవైసీ వ్యాఖ్యలు సోషల్ మీడియాలో చర్చకు దారితీయగా, యువత రీల్స్ వినియోగం, రాజకీయ చైతన్యం అనే అంశాలపై ఆసక్తికరమైన స్పందనలు వినిపిస్తున్నాయి.
Read More : బనకచర్లపై ఏపీ, ప్రాజెక్టులపై తెలంగాణ అజెండా
One thought on “సోషల్ మీడియా రీల్స్కు బానిసలవొద్దు”
Comments are closed.