ప్రధాని నరేంద్ర మోదీ తన సైప్రస్ పర్యటన సందర్భంగా అరుదైన గౌరవాన్ని అందుకున్నారు. సైప్రస్ అధ్యక్షుడు నికోస్ తమ దేశ అత్యున్నత పౌర పురస్కారం అయిన ‘గ్రాండ్ క్రాస్ ఆఫ్ ఆర్డర్ ఆఫ్ మకరియోస్ 3’ను మోదీకి ప్రదానం చేశారు. ఈ పురస్కారం సైప్రస్ ప్రభుత్వం తమ దేశానికి మరియు అంతర్జాతీయ సంబంధాలకు చేసిన విశేష సేవలకు గుర్తింపుగా అందిస్తుంది.
ఈ సందర్భంగా మోదీ స్పందిస్తూ… “ఈ గౌరవం వ్యక్తిగతంగా నాకు కాదు, 140 కోట్ల మంది భారతీయులకు అందిన గౌరవం. ఇది రెండు దేశాల మధ్య ఉన్న మైత్రి, సంస్కృతి, సోదరభావానికి చిహ్నంగా నిలుస్తుంది” అని అన్నారు. వసుధైవ కుటుంబకం భావనకు ఇది ప్రతీక అని మోదీ పేర్కొన్నారు.
ఇదే సందర్భంలో, భారత్-సైప్రస్ల మధ్య ద్వైపాక్షిక సంబంధాలు మరింత బలపడాలని, వ్యాపారం, పెట్టుబడులు, సాంకేతిక రంగాలలో పరస్పర సహకారం పెరగాలని రెండు దేశాల నేతలు ఆకాంక్షించారు. రెండు దేశాల మధ్య సుదీర్ఘ స్నేహానికి అంకితంగా ఈ పురస్కారాన్ని స్వీకరిస్తున్నట్లు మోదీ చెప్పారు.
ఈ కార్యక్రమం రెండు దేశాల కూటమి సంబంధాల్లో మరొక చరిత్రాత్మక ఘట్టంగా నిలిచింది.
Read More : ఇరాన్ సైనికాధికారి సంచలన వ్యాఖ్యలు
One thought on “మోదీకి సైప్రస్ అత్యున్నత గౌరవ పురస్కారం”
Comments are closed.