భారత వైమానిక దళం (IAF) చరిత్రలో ఓ కీలక శకం ముగియనుంది. దాదాపు 62 ఏళ్లుగా ఆకాశంలో దూసుకెళ్తూ దేశ రక్షణకు సేవలందించిన మిగ్-21 ఫైటర్ జెట్లు సెప్టెంబర్ 2025 నాటికి పూర్తిగా సేవల నుంచి తొలగించనున్నట్లు IAF వెల్లడించింది. ప్రస్తుతం రాజస్థాన్లోని నల్ ఎయిర్ బేస్లో ఉన్న ఈ సోవియట్-యుగం జెట్ల స్థానంలో స్వదేశీ తేజస్ లైట్ కాంబాట్ ఎయిర్క్రాఫ్ట్ (LCA) మార్క్-1ఏ జెట్లు రానున్నాయి.
ఈ పరిణామం భారత వైమానిక దళ ఆధునీకరణ దిశగా కీలక అడుగుగా కనిపిస్తోంది. అయితే తేజస్ డెలివరీ ఆలస్యమవుతుండటం వల్ల స్క్వాడ్రన్లు తక్కువగా ఉండే అవకాశం ఉందన్న ఆందోళనలు వ్యక్తమవుతున్నాయి.
మిగ్-21 విజయగాథ – తీపి చేదు అనుభవాలు
1963లో సోవియట్ యూనియన్తో ఒప్పందం తర్వాత భారత వైమానిక దళంలోకి అడుగుపెట్టిన మిగ్-21, దేశపు తొలి సూపర్సోనిక్ జెట్గా చరిత్రలో నిలిచింది. 1965 ఇండో-పాక్ యుద్ధం, 1971 బంగ్లాదేశ్ విమోచన పోరాటం, 1999 కార్గిల్ యుద్ధాల్లో కీలక పాత్ర పోషించి, భారత విజయాల్లో వాట్స్యం వేసింది.
అయితే ఈ యుద్ధవిమానాల జీవితంలో విషాద ఛాయలు కూడా ఉన్నాయి. ఇప్పటి వరకు 400కు పైగా ప్రమాదాలు సంభవించగా, దాదాపు 200 మంది పైలట్లు ప్రాణాలు కోల్పోయారు. ఈ నేపథ్యంలో మిగ్-21ను ‘ఫ్లయింగ్ కాఫిన్’గా అభివర్ణించడం ప్రారంభమైంది. ప్రస్తుతం నల్ బేస్లో 26–28 మిగ్-21 బైసన్ విమానాలతో కేవలం 1.5 స్క్వాడ్రన్లు మాత్రమే మిగిలి ఉన్నాయి.
ఐఏఎఫ్కి కొత్త శకం ప్రారంభమవుతున్న ఈ సమయంలో, తేజస్ జెట్లు గాలి తళతళలాడే భారత సాంకేతికత ప్రతీకగా నిలవనున్నాయి.
Read More : త్వరలో ఇండియన్ ఆర్మీలో చేరనున్న సమర్థవంతమైన యుద్ధ యంత్రాలు..?
One thought on “మిగ్-21లకు గుడ్బై, తేజస్కి స్వాగతం”
Comments are closed.